گه‌ڕان

Shadow Shadow
سیاسه‌تی

زانیارى زیاتر

تویتێکى قوباد تاڵەبانى لەبارەى دەستبەکاربوونى جۆ بایدن

2021.01.20 - 22:34
App store icon Play store icon Play store icon
تویتێکى قوباد تاڵەبانى لەبارەى دەستبەکاربوونى جۆ بایدن

ناس کورد-

قوباد تاڵەبانى، جێگرى سەرۆکى حکومەتى هەرێمى کوردستان لەبارەى دەستبەکاربوونى جۆ بایدن بە سەرۆکى ئەمەریکا تویتێکى بڵاوکردەوە.

 

کەناڵی ناس کورد لە تێلیگرام جۆین بکە   

قوباد تاڵەبانى، جێگرى سەرۆکى حکومەتى هەرێمى کوردستان (20ى کانوونى دووەمى 2021) لەمیانەى بڵاوکردنەوەى تویتێک لە هەژمارى خۆى لە تویتەر کە "ناس کورد" بینیوویەتى ئاماژەى بەوە کرد "خۆزگە باوکم هێشتا لە ژیاندا بوایە تا ببینێت هاوڕێکەی کە بە جۆوی ئازیز ناوی دەبرد سوێندی یاسایی دەخوات وەک ٤٦هەمین سەرۆکی ویلایەتە یەکگرتووەکانی ئەمریکا".

 

هاوکات قوباد تاڵەبانى لە تویتەکەیدا وێنەیەکى مام جەلال و جۆ بایدنى بڵاوکردۆتەوە.

 

 

پێشنیوەڕۆى ڕۆژى (چوارشەممە، 20ى کانونى دووەمى 2021) بە کاتى واشنتۆنى پایتەختى ئەمەریکا ڕێوڕەسمى سوێندخواردنى جۆ بایدن سەرۆکى هەڵبژێردراوى ئەمەریکا بەڕێوەچوو و تێیدا سەرۆکانى پێشوو باراک ئۆباما، جۆرج دەبلیو بۆش و بیل کلینتۆن سەرۆکایەتى پێشوو ئامادەبوو. 

 

هەرچەند دۆناڵد ترامپ سەرۆکى پێشوو ئامادە نەبوو، بەڵام مایک پێنسى جێگرى ئامادەبوو، لە مەراسیمەکەدا جۆ بایدن سوێندى یاسایى خوارد و بە فەرمى بووە 46هەمین سەرۆکى ولایەتە یەکگرتوەکانى ئەمەریکا و بەڵێنیدا کە بەرگرى لە دەستورى ئەمەریکا بکات. 

 

بایدن لە مەراسیمەکەدا وتارێکى پێشکەش کرد و وتى، وەک نەتەوەیەک کۆبوینەوە و ڕێککەوتین لەسەر ئەوەى دەسەڵات بەشێوەیەکى ئاشتیانە دەستاو دەست پێبکەین، سوپاسى ئەو کەسانە دەکەم کە لە پێش من لێرە بوون. 

 

وتیشى، بە ئومێدەوە دەڕوانینە ئایندە، چیرۆکى ئەمەریکا تەنها لەسەر شانى یەک کەس نییە و لەسەر شانى هەمومانە، ئێمە بۆ زیاتر لە 200 ساڵە هەوڵمانداوە لەچوارچێوەى ئاشتیدا بەرەوپێش بڕۆین، زۆر ڕێگەمان بڕیوە و زۆریشمان لەبەردەمدا ماوە، نابێت ڕێگە بدەین سپى پێست خۆى بەزیاتر بزانێت، پێویستە دیموکراسى و یەکێتى بوون و بەیەکەوە بوون هەبێت، هەموو ڕۆحم دەخەمە سەر زەوى بۆ ئەوەى ئەمەریکیەکان یەکبخەمەوە و داوا لە هەموان دەکەم لەگەڵمدا بن. 

 

هەر لە مەراسیمەکەدا هەریەکە لە لەیدى گاگا و جێنیفێر لۆپێز گۆرانیبێژى دیارى ئەمەریکى بە چەند گۆرانییەک بەشدارى ڕێوڕەسمەکە بوون.