گه‌ڕان

Shadow Shadow
سیاسه‌تی

چۆن هێرشیکرایەسەر؟

چالاکوانەکەى هەولێر ’’ماوەى کاتژمێرێک لەسەر شەقام بەجێهێڵراوە’’

2021.01.20 - 15:04
App store icon Play store icon Play store icon
چالاکوانەکەى هەولێر ’’ماوەى کاتژمێرێک لەسەر شەقام بەجێهێڵراوە’’

ناس کورد-

 

پارێزەرى هاوڕێ کوردى ئەو چالاکوانەى لەهەولێر هێرشیکرایە سەر رایگەیاند، هاوڕێ دواى هێرشکردنە سەرى ماوەى کاتژمێرێک لەسەر شەقام بەجێهێڵراوە و کەس بەهانایەوە نەچووە، لە ئێستاشدا دۆخى تەندروستى ناجێگیرە.

کەناڵی ناس کورد لە تێلیگرام جۆین بکە   

 

هاوڕێ کوردى درەنگانى شەوى رابردوو کاتێک لەماڵەکەى دەچێتە دەرەوە بەمەبەستى کڕینى شیر بۆ منداڵەکەى، لەلایەن چەند کەسێکەوە هێرشیکرایەسەر و بریندارکرا.

 

هەرێم رەفعەت پارێزەرى هاوڕێ (20ی کانونی دووەمی 2021) لە لێدوانێکیدا بۆ رۆژنامەنوسان کە "ناس کورد" بەدواداچوونى بۆ کردووە رایگەیاند، شەوی ڕابردوو لە هەولێر، دوو کەس بە جلی مەدەنی هێرشیان کردووەتە سەر هاوڕێ کوردی و برینداریان کردووە.    

 

رونیشیکردەوە "هێرشبەرەکان ئۆتۆمبیلێکى بی ئێم دەبلیویان پێ بووە، شکاندویەتیانەوە سەر ئۆتۆمبیلەکەى هاوڕێ و دواتر هێرشیان کردووەتە سەر".

 

بەپێی ئەو وێنانەى بڵاوبووەتەوە و "ناس کورد" بینیویەتى، دەردەکەوێت کە هاوڕێ لەناو ئۆتۆمبیلێکدایە و دەموچاوى خوێنێکى زۆرى پێوەیە.

 

هەرێم رەفعەت وتى "دواى ئەوەى هێرشیکراوەتە سەر، ئەو کەسانە مۆبایل و سەرجەم ئەو شتانەیان بردووە کە هاوڕێ پێى بووە، دواتریش ماوەى سەعاتێک لەسەر شەقامەکە بەجێهێڵراوە و کەس نەیبردووەتە نەخۆشخانە"ز

 

هەرێم کە خۆى و چەند کەسێکى تر هاوڕێیان بردووەتە نەخۆشخانە باسى لەوەشکرد، ئەو کەسانە هەڕەشەیان لە هاوڕێ کردووە کە "چیتر زمانى درێژ نەکات" و بێدەنگ بێت بەرانبەر رووداوەکان، چونکە ئەو بەردەوام لەگەڵ دەنگى شەقامدا بووە و بەشدار بووە لە خۆپیشاندانەکاندا.

 

"هاوڕێ بۆ کڕینى شیر چوو بۆ منداڵەکەى، بەڵام بە جەستەیەکى خوێناوییەوە چووەوە ماڵەوە، هەوڵەکە بۆ کوشتنى بووە بەڵام هێرشبەرەکان بۆیان نەڕەخساوە ئەو کارە بکەن".

 

هاوڕێ لە نەخۆشخانە چارەسەرى پێویستى بۆ کراوە و هەر لەوێ سکاڵا نوسیوە، بڕیاریش بوو ئەمڕۆ لە دادگا سکاڵا تۆماربکەن، بەڵام وەک هەرێم باسیدەکات بەڵام بەهۆى خراپى دۆخى تەندروستییەوە نەیانتوانیوە بچنە دادگا.

 

دەشڵێت "هێرشەکە بەرنامە بۆ داڕێژراو بووە، چاودێرى کراوە و دواتر لەو شوێنە هێرشیان کردووەتە سەر،گومانمان لەهیچ کەسێک نییە، بەڵام دڵنیاین دەستى لەپشتەوەیە".

 

بەوتەى هەرێم، هاوڕێ هێشتا مەترسی لەسەرە، بۆیە چووەتە شوێنێکى نادیار و لەماڵەکەى خۆى نامێنێتەوە.

 

ئەمە یەکەمجار نییە هێرشدەکرێتە سەر هاوڕێ، بەڵکو پێشتر چەندین جار هێرشى کراوەتە سەرى و 16 جاریش لەلایەن هێزە ئەمنییەکانەوە دەستگیرکراوە.

 

نیاز عەبدوڵا ڕۆژنامەنوس و چالاکی مەدەنی کە ئاگادارى رووداوەکەیە دەڵێت "لەو كاتەی هاوڕێ چووە بۆ كڕینی شیر و دایبی بۆ منداڵەكەی لە دوكان، لە ڕێگا ئۆتۆمبێلێكی جۆری BMW ڕێگای پێدەگرێت و دوو كەسی جل مەدەنی چەكدار دادەبەزن و بە بۆكس و لێدان هێرشی دەكەنەسەر."  

  

دەشڵێت، "لەكاتی لێدانی بە شەق و بۆكس پێیان وتووە واز لە زماندرێژی ناهێنیت؟! پاشان دوو كەسەكە مۆبایل و جزدانەكەی كە ناسنامە و بڕە پارەیەكی كەمی تێدابووە بردوویانە".  

 

نیاز عەبدوڵا دەشڵێت، "هاوڕێ كوردی ناسراوە بە بەرگریكردن لە ئازادی و دادپەروەری و ڕەخنەگرتن لە گەندەڵییەكانی دەسەڵاتداران."