گه‌ڕان

Shadow Shadow
سیاسه‌تی

وەزارەتی دارایی هەرێم ڕوونکردنەوە لەسەر لێخۆشبوونی ڕەسمی گومرگی دەدات

2021.01.19 - 21:12
App store icon Play store icon Play store icon
وەزارەتی دارایی هەرێم ڕوونکردنەوە لەسەر لێخۆشبوونی ڕەسمی گومرگی دەدات

ناس کورد-

وەزارەتی دارایی و ئابوری هەرێم ڕەتی دەکاتەوە لێخۆشبوونی ڕەسمی گومركی بۆ كۆمپانیای خۆشناو دەرکرابێت و دەڵێت، "وەزیری دارایی مافی لێخۆشبوونی ڕەسمی گومركی بۆ هیچ كەس و لایەن و كۆمپانیایەك نییە و نەیكردووە."

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کە کۆپییەکی دەستی "ناس کورد" کەوتووە (19ی کانونی دووەمی 2021)، وەزارەتی دارایی دەڵێت، "ماوەیەكە هەندێك پەیج و سایتی درۆزن كە بە پارەی حەرام درووستكراون چەند درۆ و بوختان و چەواشەكارییەكان بڵاوكردووەتەوە كە گوایە وەزیری دارایی بە نایاسایی لێخۆشبوونی رەسمی گومركی بۆ (كۆمپانیای خۆشناو) كردووە، ئەمە درۆیە هیچ پەیوەندییەكی بە ڕاستیەوە نییە."

 

دەشڵێت، بۆ ئاشكراكردنی ڕاستیەكان بۆ كۆتایی هێنان بە درۆ و بوختان و چەواشەكارییەكانیان بە گرنگمان زانی ئەم ڕاستیانە بۆ ڕای گشتی بڵاو بكەینەوە:

1- دوای ڕەزامەندی ئەنجومەنی وەزیران و وەزارەتی كشتوكاڵ و دەستەی وەبەرهێنان كۆمپانیای خۆشناو  پرۆژەی بە بازاڕكردنی گەنمی جووتیارانی وەرگرتووە كە پێكدێت لە دروستكردنی 60 سایلۆ و چەندین كارگەی ئارد، بڕوێش، گەنمەكوتاو، بنەتۆ، مەعكەرۆنی، سپارگێتی، كێك و سلیلاك و ئالیك و چەند پێكهاتەیەكی دیكە.


2- وەزارەتی دارایی و ئابوری هیچ پەیوەندییەكی بە گرێبەست و دیزاین و پێداویستیەكانی دیكەی پرۆژەكە (چیمەنتۆ، شیش، پلیت...هتد) نییە.


3- لێخۆشبوونی ڕەسمی گومركی بە پێی یاسایی ژمارە (4)ی 2006 ماددەی (5) و بڕگەی شەشەم ڕەزامەندی بۆ كراوە و هیچ پەیوەندی بە وازارەتی داراییەوە نییە.


4- وەزیری دارایی مافی لێخۆشبوونی ڕەسمی گومركی بۆ هیچ كەس و لایەن و كۆمپانیایەك نییە و نەیكردووە.


5- هەموو داتاكان بڕی (شیش، چیمەنتۆ) لە هاندانی وەبەرهێنانەوە بە نوسراوی فەرمی بە مۆری فەرمی ڕاستاندنی بۆ كراوە و رەوانەی وەزارەتی دارایی كراوە، بۆیە زیادكردنی درۆیەكی شاخدارە.


6- بەپێی پسوڵەی گومركی هاوپێچ تاوەكو ئەمرۆ لە كۆی 47452 هەزار تۆن، تەنیا 2375 تۆن شیش هاتووە و هیچ بڕە چیمەنتۆ و پلێتێك نەهاتووە.


7- سكاڵاكردن لە دادگا مافێكی پارێزراوی وەزیر و وەزارەتی دارایی و ئابورییە.

me_ga.php?id=2235me_ga.php?id=2239me_ga.php?id=2238me_ga.php?id=2237me_ga.php?id=2236