گه‌ڕان

Shadow Shadow
سیاسه‌تی

وردەکاری

وەزیری بەرگریی تورکیا لە هەرێمەوە: پێکەوە کۆتایی بە کێشەی پەکەکە بهێنین

2021.01.19 - 17:25
App store icon Play store icon Play store icon
وەزیری بەرگریی تورکیا لە هەرێمەوە: پێکەوە کۆتایی بە کێشەی پەکەکە بهێنین

ناس کورد-

وەزیری بەرگریی تورکیا لە کۆبوونەوەیدا لەگەڵ بەرپرسانی هەرێم ڕایگەیاند، ئامانجیانە پێکەوە کۆتایی بە کێشەی پەکەکە بهێنین و لەگەڵ دراوسێکانیان لە ئاسایشدا بژین.

کەناڵی ناس کورد لە تێلیگرام جۆین بکە   

 

دوێنێ خوڵوسی ئاکار، وەزیری بەرگریی تورکیا گەیشتە هەولێر و ئەمڕۆ لەگەڵ بەرپرسانی باڵای هەرێمی کوردستان کۆبوویەوە، ئاژانسی ئەنادۆڵو لێدوانی ئاکاری گواستووەتەوە و دەڵێت، "هەموو خەباتەکەمان دژ بە ڕێکخراوی تیرۆریستییە، دەبێت هاریکاری نێوانمان زیاد بکەین و پێداگرانە دژ بە ڕێکخراوی تیرۆریستیی پەکەکە بوەستینەوە''.

 


حکومەتی هەرێمی کوردستان لە ڕاگەیەنراوێکدا ئاماژەی بەوەکرد کە لە کۆبوونەوەی خوڵوسی ئاکار لەگەڵ مەسرور بارزانی، "جەخت لە گرنگیی جێبەجێکردنی ڕێککەوتننامەی شنگال و دەرچوونی میلیشیا و هێزە چەکدارە نایاساییەکان کراوەتەوە."

 

ڕاگەیەنراوەکەى حکومەتی هەرێم دەشڵێت، "بارودۆخی عێراق و ناوچەکە و پەرەپێدانی زیاتری پەیوەندییەکانی نێوان هەرێمی کوردستان و تورکیا تاووتوێ کرا. جەخت لە گرنگیی هەماهەنگيی و بەردەوامیی پەیوەندی دۆستانە لە نێوان هەرێمی کوردستان و تورکیا کرایەوە".

ئاماژە بەوە دراوە، "لە کۆبوونەوەکە جەخت لە گرنگیی جێبەجێکردنی رێککەوتننامەی شنگال و دەرچوونی میلیشیا و هێزە چەکدارە نایاساییەکان کرایەوە لەپێناو ئاساییکردنەوەی دۆخی دەڤەرەکە و گەڕانەوەی ئاوارەکان بۆ شوێنەکانیان".