گه‌ڕان

Shadow Shadow
سیاسه‌تی

یەک ملیۆن دۆنم

ڕووبەری چاندنی دانەوێڵە لەعێراق کەمی کردووە

2021.01.19 - 16:35
App store icon Play store icon Play store icon
ڕووبەری چاندنی دانەوێڵە لەعێراق کەمی کردووە

ناس کورد-
وەزارەتی کشتوکاڵی عێراق ئاشکرای کرد، بەراورد بە ساڵی ڕابردوو، چاندنی بەرهەمی دانەوێڵە ملیۆنێک دۆنم کەمی کردووە و هۆکارەکەشی بۆ کەمی ئاوی دابینکراو بۆ ئاودێری گەڕاندەوە.

کەناڵی ناس کورد لە تێلیگرام جۆین بکە   

 

مەهدی جبوری، بریکاری وەزارەتەکە لە لێدوانێکدا بۆ ڕۆژنامەی "سەباح"ی فەرمی کە "ناس کورد" بەدواداچوونی بۆ کردووە (19ی کانونی دووەمی 2021) ڕایگەیاند، "ڕووبەری دروێنەی گەنم کە وەزارەتی کشتوکاڵ لەماوەی وەرزی زستانی ئێستادا پەسەندی کردووە نزیکەی 10 ملیۆن دۆنمە".

 

وتیشی، "بە گوێرەی ئەو پلانەی کە وەزارەتەکەمان بۆ دروێنە پەسەندی کردووە، چوار ملیۆن دۆنم لە ناوچە ئاودێریکراوەکانە و شەش ملیۆن دۆنمیشی لە ناوچە دەیمییەکاندایە، پلانی ئەمساڵ ملیۆنێک دۆنم کەمترە لە ساڵی پێشوو".

 

بەرپرسەکەی وەزارەتی کشتوکاڵی عێراق هۆکاری کەمی کشتوکاڵی دانەوێڵە بەراورد بە ساڵی ڕابردوو گەڕاندووە "بۆ کەمی ئەو بەشە ئاوەی کە بۆ ئاودێری تەرخانکراوە".