گه‌ڕان

Shadow Shadow
سیاسه‌تی

’گورگی تەنیا’

ناوەڕۆکى راپۆرتێکى هەواڵگرى لەبارەى هەوڵى تێکدانى مەراسیمى دەستبەکاربوونى بایدن

2021.01.19 - 14:59
App store icon Play store icon Play store icon
ناوەڕۆکى راپۆرتێکى هەواڵگرى لەبارەى هەوڵى تێکدانى مەراسیمى دەستبەکاربوونى بایدن

ناس کورد-

ڕۆژنامەیەکی ئەمەریکی بڵاویکردەوە، ڕاپۆرتە هەواڵگرییەکان ئاماژە بەوە دەکەن کە گروپێکی ڕاستڕەوی تووندڕەو لەهەوڵی ئەوەدان مەراسیمی دەستبەکاربوونی جۆبایدن کە بڕیارە سبەی چوارشەممە ئەنجام بدرێت تێک بدەن.

 

کەناڵی ناس کورد لە تێلیگرام جۆین بکە   

بەگوێرەی ڕاپۆرتێکی ڕۆژنامەی "واشنتۆن پۆست"ی ئەمەریکی کە زانیارییەکانی لەڕاپۆرتی دەزگای هەواڵگری ئەو وڵاتەوە وەرگرتووە (19ی کانوونی دووەمی 2021) و"ناس کورد" بە دواداچوونی بۆ کردووە "ئەندامانی گروپە توندڕەوەکان پلانیان هەیە بەشێوەیەکی تاکلایەنە مەراسیمی دەستبەکاربوونی جۆ بایدن تێک بدەن، ئەو ئۆپراسیۆنەش پێی دەوترێت گورگی تەنیا".  

 

ڕۆژنامە ئەمەریکییەکە باسیلەوەکردووە "ئەو زانیاریانەی لەبەردەستدان، ئاماژە بەنیازی ئەو کەسانە دەکەن کە هەوڵدەدەن بچنە ناو ئەو ناوچانەی کە داخراون، ئەویش بە لەبەرکردنی جلوبەرگی هاوشێوەی کارمەندانی پاسەوانی نیشتمانی کە ئێستا بڵاوبونەتەوە، هەروەها بە دیاریکردنی کەلێنی ئەمنی لە پاراستنی پایتەخت". 

 

کریس میلەر، وەزیری بەرگری ئەمریکا بەوەکالەت پێشتر ڕایگەیاندبوو، هیچ زانیارییەکی هەواڵگری نییە ئاماژە بەوە بکات کەهەڕەشەی ناوخۆیی هەیە لەسەر مەراسیمی  دەستبەکاربوونی سەرۆکی نوێی ئەمەریکا، بەڵام  جەختیلەوەکردبووە کە  پێنتاگۆن پشکنین بۆ ناسنامەی کارمەندانی پاسەوانی نیشتمانی لە واشنتۆن دەکات.

 

بڕیارە سبەینێ (چوارشەممە، 20ی کانوونی دووەمی 2021) جۆ بایدن، سەرۆکی نوێی هەڵبژێردراوی ئەمەریکا لە پۆستەکەیدا دەستبەکاربێت.