گه‌ڕان

Shadow Shadow
سیاسه‌تی

لەماوەى دوو ساڵى ڕابردوودا لەسایەى هێزە عێراقییەکان 78 کورد کوژراون

سەنگاوى: سەدان چەکدارى داعش چونەتە ڕیزى حەشدى شەعبییەوە و دژى کورد وەستاونەتەوە

2019.05.25 - 10:02
App store icon Play store icon Play store icon
سەنگاوى: سەدان چەکدارى داعش چونەتە ڕیزى حەشدى شەعبییەوە و دژى کورد وەستاونەتەوە

کەناڵی ناس کورد لە تێلیگرام جۆین بکە   

ناس کورد- ڕۆژنامەى شەرقولئەوسەت بڵاوى کردۆتەوە، مەحمود سەنگاوى ڕایگەیاندووە، سەدان چەکدارى داعش چونەتە ڕیزەکانى حەشدى شەعبییەوە و دژى کورد وەستاونەتەوە. . ڕۆژنامەى شەرقولئەوسەت لە ڕاپۆرتێکدا لە بارەى کێشەى زەوی و زارى جوتیارانى کورد لە ناوچە کوردستانییەکانى دەرەوەى هەرێم بڵاوى کردۆتەوە، مەحمود سەنگاوى فەرماندەى میحوەرى گەرمەسێرى هێزەکانى پێشمەرگە ڕایگەیاندووە: "لە ماوەى دوو ساڵى ڕابردوو لەوکاتەوەى هێزە عێراقییەکان گەڕاونەتەوە ناوچە دابڕێندراوەکان 78 کورد لەو ناوچانە کوژراون". . بە گوێرەى ڕۆژنامەکە، مەحمود سەنگاوى ئاماژەى بەوەشکردووە: "سەدان چەکدارى داعش لە جەلەولا و خانەقین و پارێزگاى دیالە چونەتە ڕیزەکانى حەشدى شەعبییەوە، هەر ئەوان ئەو کارە دوژمنکارییە دژ بە کورد ئەنجامدەدەن بۆ ئەوەى کورد ناوچەکە چۆڵ بکات و دەستى بەسەرا بگرن". . سەنگاوى ئاماژەى بەوەشکردووە، دەستەڵاتدارانى عێراقى ژیانى هاوڵاتییە کوردییەکانى ناوچە کوردستانییەکانى دەرەوەى هەرێمیان کردۆتەوە دۆزەخ، دەشڵێت، چاوەڕێى سەروى خۆیانن بۆ ئەوەى هەڵوێستیان هەبێت. . .