گه‌ڕان

Shadow Shadow
سیاسه‌تی

ناوەڕۆکی کۆبوونەوەکە

بارزانی لەگەڵ شاندێکی پەرلەمانی عێراق کۆبووەوە

2021.01.16 - 16:59
App store icon Play store icon Play store icon
بارزانی لەگەڵ شاندێکی پەرلەمانی عێراق کۆبووەوە

 ناس کورد-

مەسعود بارزانی، سەرۆکی پارتی کوردستان پێشوازی لە شاندێكی ئەنجومەنی نوێنەرانی عێراق و پارێزگاری سەلاحەددین کرد و گفتوگۆیان دەربارەی کێشەکانی هەرێم و بەغدا کرد.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا بارەگای بارزانی (شەممە 16ی کانوونی دووەمی 2021) ڕایگەیاند، " مەسعود بارزانی لە سەڵاحەدین پێشوازی لە شاندێكی ئەنجوومەنی نوێنەرانی عێراق كرد كە پێكهاتبوو لە دكتۆر قوتەیبە ئەلجبووری، سەرۆكی لیژنەی تەندروستی و ژینگە و موسەننا ئەلسامەرائی، جێگری سەرۆكی لیژنەی دارایی ئەنجوومەنی نوێنەرانی عێراق و هەروەها عەمار جەبر ئەلجبووری پارێزگاری سەلاحەددین."

 

ئاماژە بەوەشکراوە، "لە دیدارەكەدا بیروڕا لەبارەی پڕۆسەی سیاسیی عێراق و كێشەكانی نێوان هەرێم و بەغدا و هەروەها بارودۆخی پارێزگاكانی ناوەڕاستی عێراق ئاڵوگۆڕ كرا."

 

بەگوێرەی ڕاگەیەندراوەکە، هەر لەو كۆبوونەوەیەدا جەخت لە بەردەوامیی پەیوەندی و هەماهەنگیی نێوان هەردوولا كرایەوە.

 

لەئێستادا پڕۆژەیاسای بودجەی 2021ی عێراق لە پەرلەمانی عێراقە و لیژنەی دارایی تاووتوێی پڕۆژەکە دەکەن، تاوەکو ئێستاش دیارنییە ئەو خاڵانەی تایبەتن بە پشکی هەرێمی کوردستان وەک خۆی تێدەپەڕێندرێت یاخود نا.