گه‌ڕان

Shadow Shadow
سیاسه‌تی

زیاتر بخوێنەوە

حاخامێكی جولەكە: ڤاكسینی كۆرۆنا بەكارهێنەر دەكاتە هاوڕەگەزخواز

2021.01.16 - 15:27
App store icon Play store icon Play store icon
حاخامێكی جولەكە: ڤاكسینی كۆرۆنا بەكارهێنەر دەكاتە هاوڕەگەزخواز

ناس کورد-

دانیال ئەسور كە حاخامێكی كاریگەرە لە ئەرسۆدۆكسە پەڕگیرەکانی جولەکە فەرمانی كرد بەلایەنگرانی ڤاكسینی كۆرۆنا وەرنەگرن "چونكە دەیانكاتە هاوڕەگەزخوازی سێكسی".

کەناڵی ناس کورد لە تێلیگرام جۆین بکە   

 

بۆ وەرگرتنی هەموو هەواڵ و بەپەلەکان، بچۆ کەناڵی ناس کورد لە تێلیگرام

 

ڕاپۆرتێكی "إسرائيل هيوم" كە "ناس کورد" بەدواداچوونی بۆ كردووە (16 كانون دووەمی 2021) باس لەوە دەكات ئەم حاخامە هەندێ شتی وتووە لەسەر ڤاكسینی كۆرۆنا كە هیچ بنەمایەكی زانستی نییە لەچەشنی "ڤایرۆسەكە و ڤاكسینەكانیشی حكومەتی بەد دروستی دەكەن لەوانەش بیل گیتس و ماسۆنییەكان و ئەمانەش دەیانەوێت سیستمێكی جیهانی جیاوا دروست بكەن".

 

هەروەها جەخت لەوەشكردووەتەوە ڤاكسینەكە "هاوڕەگەزبازی بڵاو دەكاتەوە".

 

پێشتر ئایەتوڵڵا خامنەیی، ڕێبەری شۆڕشی ئێران، كڕیتی ڤاكسینی ئەمەریكا و بەریتانیای قەدەغەكرد و رایگەیاند هەركات واشنتۆن بگەڕێتەوە بۆ رێككەوتنی ئەتۆمی ئەوانیش دەگەڕێنەوە.  

  

عەلی خامنەیی رێبەری باڵای ئێران، لە یادی ساڵڕۆژی ڕاپەڕینی 19ی بەفرانباری خەڵکی قوم دژی ڕژێمی شا بە شێوەی ڕاستەوخۆ لە تەلەفزیۆنی فەرمی ئێران قسەی بۆ خەڵک کرد و بەپێی بەدواداچوونی ناس کورد بۆ وتارەكە (8 كانونی دووەمی 2021) رێبەری ئێران جەختی كردەوە، ئێستا خەریکە وردە وردە گەمارۆکانی سەر ئێران چی دیکە کاریگەرییان نامێنێت بەهۆی ئابووری ناوخۆییەوە كە ئەو بە "بەرگریكارانە" ناوی برد.  

  

خامنەیی وتیشی "ئێران  پشتیوانی لە دۆست و هاوپەیمانەکانی خۆی بە ئەرک دەزانێت و ئێمە دەبێ هاوپەیمان و دۆستەکانمان لە ناوچەکە بەهێز بکەینەوە". هەروەها جەختیكردەوە "ئامادەبوونی ئێمە بە مانای بەهیزی لایەنگرانمانە. نابێت کارێک بکەین کە دۆستان و لایەنگرانمان لە ناوچەکە لاواز بن".  

  

سەبارەت بەرێككەوتنی ئەتۆمی خامەنەیی لەوتارەكەیدا وتی "ئەمریکا هەر کات بگەڕێتەوە بۆ بەڵێنەکانی ئێمەیش دەگەرینەوە. خواستی ئێمە هەڵگرتنی گەمارۆکانە. ئەمە مافی زەوت کراوی  گەلی ئێرانە".  

  

لەبەشێكیتری وتارەكەیدا خامنەیی رایگەیاند هێنانی ڤاکسینی ئەمریکایی و بریتانیایی قەدەغەیە. "ئەگەر ئەمریکا دەیتوانی ڤاکسێن بەرهەم بێنێت بۆ هەموو ڕۆژێ هەزارن کەسی لێ دەمرێت. ئینگلیزییەکانیش هەر بەو شێوە، جێگای بڕوا نین". بەوتەی رێبەری ئێران ئەو وڵاتانە  هەندێ جار ڤاکسێنەکانیان لە سەر گەلانی دیکە تاقی دەکەنەوە. و وتی "دەبێ شانازی بە بەرهەم و دەسکەوتی زانایانی ئێرانی بۆ دروست کردنی ڤاکسین بکەین".