گه‌ڕان

Shadow Shadow
سیاسه‌تی

هەڵوێستێکی نوێ لە دارایی پەرلەمانەوە لەبارەى لێبڕیی موچە

2021.01.16 - 14:48
App store icon Play store icon Play store icon
هەڵوێستێکی نوێ لە دارایی پەرلەمانەوە لەبارەى لێبڕیی موچە

ناس کورد-

لیژنەی دارایی پەرلەمانی عێراق پێشنیازی کردووە لە ئەگەری بڕینی موچەی فەرمانبەران، ئەوە کار بە یاسای باجی داهات بکرێت نەک ئەو ڕەشنوسەی کە لە پڕۆژەیاسای بودجەی ساڵی 2021دا ئامادە کراوە.

کەناڵی ناس کورد لە تێلیگرام جۆین بکە   

 

ماجیدە تەمیمی، ئەندامی لیژنەی دارایی پەرلەمانی عێراق لە لێدوانێکیدا بۆ ئاژانسی فەرمی عێراقییە کە "ناس کورد" بەدواداچوونی بۆ کردووە (16ی کانونی دووەمی 2021) دەڵێت، "لیژنەی دارایی و پەرلەمان بە شێوەیەکی گشتی ئەو لێبڕینە زۆر لە موچەی فەرمانبەران ڕەت دەکەنەوە، لێبڕینەکەش لە پڕۆژەیاساکەدا لەژێر ناوی یاسای باجی داهات هاتووە."

 

بۆ وەرگرتنی هەموو هەواڵ و بەپەلەکان، بچۆ کەناڵی ناس کورد لە تێلیگرام

 

دەشڵێت، "تاوەکو پەسەندکردنی پرۆژەیاسای بودجە لە پەرلەمانەوە، حکومەت ناتوانێت ئەو لێبڕینە جێبەجێ بکات."

 

ئەمڕۆ دانیشتنەکانی پەرلەمانی عێراق بۆ تەواوکردنى خوێندنەوەى دووەم بۆ پڕۆژەیاسای بودجەى ئەمساڵ بەردەوام دەبێت، ئەندامێکی لیژنەی دارایش دەڵێت تائێستا لەکۆى 57 مادە خوێندنەوە بۆ 40 مادەى کراوە.  

  

لە لێدوانێکى ڕۆژنامەوانیدا بۆ ڕۆژنامەی سەباحی فەرمی کە "ناس کورد" بەدواداچوونى بۆ کردووە، جەمال کۆچەر، ئەندامى لیژنەى دارایى لە پەرلەمانى عێراق (16ى کانونى دووەمى 2021) ڕایگەیاندووە، لیژنەى دارایى خوێندنەوەى بۆ بڕگەکانی 40 مادەى کردووە و 17 مادەى ماوە بەڵام هێشتا بڕیاریان لەبارەوە نەدراوە و تەنها گفتوگۆیان لەسەر کراوە.  

  

ئاماژەى بۆ ئەوەش کردووە، لیژنەى دارایى کاتى تەواوى لەبەردەستتدایە بۆ تەواوکردنى گفتوگۆکانى لەبارەى بودجەوە لەپێش پشووى فەرمى وەرزى یاسادانانەوە، بەڵام ئەگەر پێویستی کرد ئەوا پشووەکەیان دوادەخەن و وەرزى یاسادانان درێژ دەکەنەوە.  



  

کۆچەر دەشڵێت، پێنج لیژنەى پێکهێنراوە لە کۆبوونەوەکانیاندا لەگەڵ سەرجەم وەزارەت و دەستەکاندا کار بۆ کەمکردنەوەى خەرجیەکان دەکات ئەگەر وەزارەتەکان پێشنیازەکانیان لەو بارەیەوە پەسەندکرد.  

  

ئەو ئەندامە کوردەى لیژنەى دارایى باسى لەوەش کردووە، لیژنەکەیان سەرەتا دەستى بە کۆبوونەوەکان کردووە لەگەڵ وەزارەتە خزمەتگوزارییەکانی وەکو کاروبارى کۆمەڵایەتى و داد کە پێویستیان بەبودجەى زەبەلاح نییە، ئەوە سەربارى لەگەڵ سەرۆکایەتى کۆمار و ئەنجومەنى باڵاى دادوەرى و دادگاى فیدراڵیدا کۆبوونەتەوە.