گه‌ڕان

Shadow Shadow
سیاسه‌تی

وردەکاری

ساڵی ڕابردوو 385 پێشێلکاری بەرانبەر ڕۆژنامەنوسانی هەرێم کراوە

2021.01.16 - 12:15
App store icon Play store icon Play store icon
ساڵی ڕابردوو 385 پێشێلکاری بەرانبەر ڕۆژنامەنوسانی هەرێم کراوە

ناس کورد-
سەنتەری میترۆ ڕاپۆرتی ساڵانەی خۆی بە ناونیشانی "ڕاپۆرتی ڕەوشی ئازادی ڕۆژنامەنوسی لە هەرێمی کوردستانی عێراق 2020" بڵاوکردەوە و ڕایگەیاندووە، لەو ساڵەدا 385 پێشێلکاری بەرانبەر 291 ڕۆژنامەنوس و دەزگای راگەیاندن تۆمارکراون.

کەناڵی ناس کورد لە تێلیگرام جۆین بکە   

 

سەنتەری میترۆ بۆ داکۆکی لە مافی ڕۆژنامەنوسان لە کۆنگرەیەکی ڕۆژنامەوانیدا کە پەیامنێری "ناس کورد" ئامادەی بوو (16ی کانونی دووەمی 2021) ڕایگەیاند، لە ساڵی 2020دا ئەو پێشێلکارییانەی تۆمارکراون 385 پێشێلکارییە کە بەرانبەر 291 ڕۆژنامەنوس و دەزگای ڕاگەیاندنە لە هەرێمی کوردستان و کە زۆرترینیان ڕێگریکردن بووە لە ڕۆژنامەنوسان.


بەپێی ئامارەکە پێشێلکارییەکان بەمجۆرە بووە، 163 ڕێگری، 74 حاڵەتی دەستبەسەرکردن و راگرتن بەبێ بڕیاری دادگا، 48 حاڵەتی هەڕەشە و سوکایەتی 42 زەوتکردنی کەلوپەلی ڕۆژنامەوانی، 30 دەستگیرکردن و ڕاگرتن بەدەر لە یاسای کاری ڕۆژنامەنوسی.

me_ga.php?id=2195
بەپێی ئامارەکەی سەنتەری میترۆ کە تایبەتە بە پێشێلکارییەکان بەرانبەر ڕۆژنامەنوسان لە ساڵی 2020، هەشت حاڵەتی هەراسانکردنی کچانی میدیاکار، هەشت حاڵەتی پڕکردنەوەی بەڵێننامە، هەشت حاڵەتی شکاندنی کەلوپەلی ڕۆژنامەنوسی و چوار حاڵەتی داخستنی ئۆفیسی کەناڵەکان و دوو حاڵەتی هێرش و تەشویشی ئەلیکترۆنی تۆمارکراوە.


سەبارەت بە ناوچەکانی دەرەوەی ئیدارەی هەرێمی کوردستان لە ڕاپۆرتی سەنتەری میترۆدا ئەوەخراوەتەڕو، لەو ماوەیەدا لەناوچە کێشەلەسەرەکان 71 حاڵەتی ڕێگری، 30 حاڵەتی ڕاگرتن بەبێ بڕیاری دادگا، 9 حاڵەتی زەوتکردنی کەلوپەلی ڕۆژنامەنوسی، 7 حاڵەتی هێرش و سوکایەتی و 2 حاڵەتی پڕکردنەوەی بەڵێننامەی و یەک حاڵەتی رفاندن تۆمارکراون.