گه‌ڕان

Shadow Shadow
سیاسه‌تی

وردەکاریى

ئەمەریکا سزاى بەسەر چەند ڕێکخراو و کەسایەتییەکى ئێران سەپاند 

2021.01.15 - 19:44
App store icon Play store icon Play store icon
ئەمەریکا سزاى بەسەر چەند ڕێکخراو و کەسایەتییەکى ئێران سەپاند 

ناس کورد- 

وەزیرى دەرەوەى ئەمەریکا رایگەیاند، ئەمەریکا سزاى نوێى بەسەر چەند ڕێکخراو و کەسایەتییەکى ئێران سەپاندووە و داواى لە وڵاتان کرد کە مامەڵەى کڕین و فڕۆشتنى چەک لەگەڵ ئەو وڵاتەدا ڕابگرن. 

 

کەناڵی ناس کورد لە تێلیگرام جۆین بکە   

مایک پۆمپیۆ وەزیرى دەرەوەى ئەمەریکا (15ى کانوونى دووەمى 2021) لە لێدوانێکى ڕۆژنامەنووسیدا کە "ناس کورد" بەدواداچوونى بۆ کردووە ئاماژەى بەوە کرد، ئەمەریکا سزاى بەسەر حەوت ڕێکخراو و دوو کەسایەتى ئێران سەپاندووە بە تۆمەتى تێوەگلانیان لە بڵاوکردنەوەى چەک لەناوچەکە. 

 

پۆمپیۆ وتویەتى "چەکەکانى ئێران شەڕ و ناکۆکییەکان لەسوریا و لوبنان و عێراق و یەمەن درێژە پێدەدات و لەگەڵ هاوپەیمانێتیەکانیشیاندا بەردەوامن لەکارکردن لەکۆمەڵگەى نێودەوڵەتى بۆ فشارخستنە سەر ئێران بۆ ئەوەى ڕەفتارى خۆى بگۆڕێت".

 

داواشى لە وڵاتان کردووە کە کڕین و فڕۆشتنى چەک و هەر کەرەستەیەکى لەو بابەتە لەگەڵ ئێراندا قەدەغە بکەن.

 

وەزیرى دەرەوەى ئەمەریکا جەخت لەسەر ئەوەش دەکاتەوە، سزاى نوێیشیان بەسەر هەر ڕێکخراو کۆمپانیایەکدا سەپاندووە کە هاریکارى کەرتى دەریایى و ئاسمانى ئێرانى دەکەن.