گه‌ڕان

Shadow Shadow
سیاسه‌تی

زانیاری زیاتر

ئەحمەدی حاجی رەشید: ملیارێك و 100 ملیۆن دینارم رادەستی كۆمەڵ كردووە

2021.01.14 - 23:26
ئەحمەدی حاجی رەشید: ملیارێك و 100 ملیۆن دینارم رادەستی كۆمەڵ كردووە

ناس کورد-

ئەحمەدی حاجی ڕەشید، ئەندامی فراکسیۆنی کۆمەڵی ئیسلامی لە پەرلەمانی عێراق لەبارەی پەیوەندییەکانیی لەگەڵ ئەمیری کۆمەڵی ئیسلامی ڕوونکردنەوەیەکی بڵاوکردەوە و ڕایگەیاند، تائێستا ملیارێك و 100 ملیۆن دینارم رادەستی كۆمەڵ كردووە.

 

ئەحمەدی حاجی ڕەشید، ئەندامی فراکسیۆنی کۆمەڵ لە پەرلەمانی عێراق لە فەیسبوکی خۆی (پێنجشەممە 14ی کانوونی دووەمی 2021) ڕایگەیاند، "لەماوەی ئەندام ئەنجومەنیم و تا ئێستاش کە پەرلەمانتارم  ئەو شایستە داراییەی کە کۆمەڵ لەسەری داناوم بەبێ دواکەوتن جێبەجێم کردووە و تا ئێستا زیاتر لە یەک ملیار و ۱٠٠ ملیۆن دینارم وەک پشکی کۆمەڵ ڕادەستی بەشی دارایی کردووە لە ساڵی ۲٠۱۱ هەتا ئێستا . "

 

ئاماژەی بەوەشکردووە، "بەردەوام شایستەی دارایی مانگانە ١٢ ملیۆن و ٦٥٠ هەزار دینار ڕادەستی دارایی دەکەم و ئەوەشی کە دەمێنێتەوە بۆ خەرجی پاسەوانەکانم و سەیارە و هاتوچۆ بەتەیارە و خەرجی ئەو ماوەی کە لەبەغدا دەمێنمەوە لەگەڵ ئەو بڕەی کەدانراوە بۆ خۆم خانەوادەکەم".

 

ئەحمەدی حاجی ڕەشید دەڵێت، "ئەو متمانەیەی کە جەنابی ئەمیری کۆمەڵی ئیسلامی مامۆستا علی پاپیر پێی بەخشیوین وەک ئەندام و وەک فراکسیۆن کە هیچ هێزێکی سیاسی لەعێراق و هەرێمی کوردستان ئەو متمانەی پێ نەدراوە بۆ کارکردن و دەست کراوەیی لەکارکردندا، من بۆ خۆم هیچ کارێکم ئەنجام نەداوە بەبێ ڕاوێژی جەنابی ئەمیری کۆمەڵی ئیسلامی و قەناعەتیشم نییە هیچ ئەندام پەرلەمانیکی هێزەکانی دیکە هەبێت بەئەندازەی من پەیوەندی بتەو بێت لەگەڵ کەسی یەکەمی حیزبەکەی، بەنمونە لەماوەی یەک هەفتە لە بەغدا بمێنم ئەگەر هەموو ڕۆژ پەیوەندی بەجەنابی ئەمیرەوە نەکەم لانی کەم سێ  جار پەیوەندی بە جەنابی ئەمیرەوە دەکەم بۆ ڕاوێژ کردن بەتایبەت ئەگەر جوڵەی سیاسی هەبێت." 

 

ڕوونیشیکردووەتەوە، " جا با هەندێک لایەن ئەوەندە فاڵ نەگرنەوە لەبارەی پەیوەندی من و جەنابی ئەمیری کۆمەڵ و سەرکردایەتیەکەم ."