گه‌ڕان

Shadow Shadow
سیاسه‌تی

بەپەلە

وەزیرى نەوتى عێراق تێچووى بەرهەمهێنانی یەک بەرمیل نەوتی لە هەرێم ئاشکرا کرد

2021.01.14 - 22:56
وەزیرى نەوتى عێراق تێچووى بەرهەمهێنانی یەک بەرمیل نەوتی لە هەرێم ئاشکرا کرد

ناس کورد-

وەزیرى نەوتى عێراق دەڵێت، تێچووى بەرهەمهێنانى نەوت لە هەرێمى کوردستان دەگاتە 20 دۆلار و سەروەتى نەوت لە هەرێم لە بەرژەوەندى گشتیدا نییە.

 

ئیحسان عەبدولجەبار، وەزیری نەوتی عێراق لە گفتوگۆیەکى تەلەفزیۆنیدا (پێنجشەممە 14ى کانونى دووەمى 2020) ئاماژەى بەوەداوە، نرخى نەوت لە 55 دۆلار جێگیر دەبێت و لە کیشوەرى ئاسیادا نەوتى عێراق بەرزترین نرخى هەیە و نەوتى بەسڕە بە بەرزترین نرخى دەفرۆشرێت کە بەرمیلى 55 دۆلارە.

 

ئاماژەى بەوەشداوە، تێچووى بەرهەمهێنانى یەک بەرمیل نەوت لە هەرێمى کوردستان 20  دۆلارە، هەرێم پابەند نییە بە کەمکردنەوەى نەوتى عێراق بەپێى ڕێککەوتنى ڕێکخراوى "ئۆپێک+" كە پشکى عیراق ڕۆژانە 2 ملیۆن و 800 هەزار بەرمیلە.

 

وەزیرى نەوتى عێڕاق جەختلەوەشدەکاتەوە، سەروەتى نەوت لە هەرێمى کوردستان لە بەرژەوەندى گشتیدا نییە و پێویستە بڕیارێکى سیاسى هەبێت و بابەتى نەوتى هەرێم یەکلایى بکاتەوە، دەشڵێت، " زیادبوونى نرخى نەوت دەبێتە هۆى کەمکردنەوەى کوردتهێنان و پابەندبوون بە پشکى پترۆدۆلارەوە بۆ ئەو پارێزگایانەى شایستەن".