گه‌ڕان

Shadow Shadow
سیاسه‌تی

سيوفر ميزة غير مسبوقة

بەپێی وێنەى مانگە دەستکردەکان، ئێران سەرقاڵی دەروازەیەکی نهێنییە لە عێراقەوە تاوەکو بیبەستێتەوە بە دەریای ناوەڕاستەوە

2019.05.24 - 17:48
App store icon Play store icon Play store icon
 بەپێی وێنەى مانگە دەستکردەکان، ئێران سەرقاڵی  دەروازەیەکی نهێنییە  لە عێراقەوە تاوەکو بیبەستێتەوە بە دەریای ناوەڕاستەوە

کەناڵی ناس کورد لە تێلیگرام جۆین بکە   

ناس کورد- بەپێی چەند وێنەیەکى نوێی مانگە دەستکردەکان، ئێران سەرقاڵی بنیادنانی دەروازەیەکە لەسەر سنوری عێراق-سوریا کە دەبێتە "دەروازەیەکى نهێنی و ئێران بە لوبنان و سوریا و دەریای ناوەڕاستەوە دەبەستێتەوە." تەلەفزیۆنی فۆکس نیوزی ئەمریکی لە زاری چەند سەرچاوەیەکی هەواڵگریی ڕۆژئاواییەوە ڕایگەیاند، "ئێران سەرقاڵی دروستکردنی دەروازەیەکی وشکانییە لەسەر سنوری عێراق و سوریا کە ڕێگایەکى نهێنی بۆ دەکاتەوە بەرەو سوریا و لوبنان و دەریای ناوەڕاست." . تەلەفزیۆنەکە دەشڵێت، لەڕێگەى کۆمپانیای ISIی تایبەت بە وێنەی مانگە دەستکردەکان بۆ شیکردنەوە و بابەتە هەواڵگرییەکان، چەند وێنەیەکى هەفتەى ڕابردووی ناوچەکەى دەستکەوتووە کە دەریدەخەن ئێران کار لەسەر دروستکردنی دەروازەیەکى نوێ دەکات کە لە عێراقەوە پێی دەوترێت "قائم" و لە سوریاشەوە پێی دەوترێت "ئەلبوکەمال". بەپێی قسەى کۆمپانیاکە، "دەروازە کۆنەکە هێشتا ڕوخاو و داخراوە و ئێرانییەکان هەوڵێکى زۆر دەدەن بۆ کردنەوەى و کەلوپەلی دروستکردنی بینای بۆ دەبەن." . دەشڵێت، "ئەو دەروازە هاوکاری ئێران دەدات پارێزگاری لە هەژمونی خۆی لە سوریا و لوبنان و دەریای ناوەڕاست بکات"، دەشڵێت، "ئێرانییەکان ئەو دەروازەیە بەکاردەهێنن بۆ بەقاچاخبردنی چەک و نەوت تاوەکو خۆیان لە سزاکانى ئەمریکا بەدور بگرن." ئاماژەى بەوەشکرد، "ئەو دەروازە زۆر بەسود دەبێت بۆ ئێران و هاوپەیمانەکانى کە پێشتر وێنەى نەبووە بەتایبەت بەهۆى نەبوونی چاودێری و دەسەڵات هەردوو حکومەتى عێراق و سوریا."