گه‌ڕان

Shadow Shadow
سیاسه‌تی

وردەکاریى

تەندروستى جیهانى: ساڵى دووەمى کۆرۆنا سەختتر دەبێت

2021.01.14 - 08:33
تەندروستى جیهانى: ساڵى دووەمى کۆرۆنا سەختتر دەبێت

ناس کورد-

ڕێکخراوى تەندروستى جیهانى لەو بڕوایەدایە، چونە ناو ساڵى دووەمى پەتاى کۆرۆنا سەختتر دەبێت لەوەى کە جیهان ڕوبەڕوى بوویەوە لەساڵى یەکەمى بڵاوبونەوەى پەتاکەدا.

 

مارك ڕایان، بەڕێوەبەرى فریاگوزارى لە ڕێکخراوى تەندروستى جیهانى (چوارشەممە، 13ى کانونى دووەمى 2021) لە کۆنگرەیەکى ڕۆژنامەوانیدا وتى، لەوانەیە چونە ناو ساڵى دووەمى پەتاى کۆرۆناوە قورستر بێت لە بارودۆخى پێشووتر، ئەوەش بە لەبەرچاوگرتنى چەند داینەمیکێکى گواستنەوەى پەتاکە.

 

باسى لەوەشکرد، ئەوەش پەیوەندى بە بڵاوبونەوەى نەوەى نوێى ڤایرۆسەکەوە هەیە کە خێراتر بڵاودەبێتەوە، بارودۆخى پەتاکە لە نیوە دورگەى باکورى زەوى قورستر دەبێت.

 

لاى خۆشیەوە "ماریا کیرخوف" بەڕێوەبەرى هونەرى بەرنامەى فریاگوزارى لە ڕێکخراوەکە وتى، هەندێک دەوڵەت پێش ئەوەى بارودۆخیان بەرەو باشبون بچێت، بەرەو خراپتر دەچێت لەوەى کە هەیە.

 

ماوەى زیاتر لە ساڵێکە ڤایرۆسى کۆرۆنا لە جیهاندا بڵاوبوەتەوە و تائێستا زیاتر لە 92 ملیۆن توشبوو و نزیکەى 2 ملیۆن گیانلەدەستدان تۆمار کراون.