گه‌ڕان

Shadow Shadow
سیاسه‌تی

وردەکاریى

ئەمەریکا سزای نوێی بەسەر ئێران سەپاند  

2021.01.13 - 20:03
App store icon Play store icon Play store icon
ئەمەریکا سزای نوێی بەسەر ئێران سەپاند  

ناس کورد-

پێش کۆتایی ماوەکەی، ئیدارەی دۆناڵد ترەمپ، سەرۆکی ئێستاى ئەمەریکا، سزای نوێی سەپاند بەسەر دوو کەسایەتی و 16 لایەن و قەوارەی جیاواز لە ئێران.

 

کەناڵی ناس کورد لە تێلیگرام جۆین بکە   

بەگوێرەی ڕاگەیەندراوێکی وەزارەتی گەنجینەی ئەمەریکا (13ی کانوونی دووەمی 2021) کە وێنەیەکی دەست" ناس کورد" کەوتووە، ئاماژە بەوەکراوە "سزا نوێیەکان 16 قەوارە و لایەنی جیاوازی گرتووەتەوە کە پەیوندییان بە بەرپرسانی کۆماری ئیسلامیی ئێرانەوە هەیە و دوو هاووڵاتی ئێرانی و هاووڵاتییەکی عێراقیش کە بە تێوەگلان لەگەڵ داعشدا تۆمەتبار کراوە".

 

وەزارەتی گەنجینەی ئەمەریکا، ڕوونکردنەوەی بەوەشداوە "لیستی سزاکان دوو ڕێکخراوی ئێرانی تێدایە کە پەیوەندی ڕاستەوخۆیان بە عەلی خامنەیی، ڕابەری شۆڕشی ئیسلامی ئێرانەوە هەیە".

 

هاوکات ستیڤن منوچین، وەزیری گەنجینەی ئەمەریکا، ئەوەی خستووەتەڕوو "ئەو دوو ڕێکخراوەی کە سزادراون ڕۆڵی بەرچاویان هەیە لەبەردەوامبوونی دەستەبژێری فەرمانڕاوەیی ئێران لە گەندەڵی و کۆنتڕۆڵکردنی کەرتی ئابوریی ئەو وڵاتە".