گه‌ڕان

Shadow Shadow
سیاسه‌تی

چارەنوسی دوو موچەکان

ڕێباز حەملان: موچە دەبێتە مانگانە و خۆمان بودجەمان دەبێت

2021.01.12 - 21:21
App store icon Play store icon Play store icon
ڕێباز حەملان: موچە دەبێتە مانگانە و خۆمان بودجەمان دەبێت

ناس کورد-

یاریدەدەری سەرۆکى حکومەتی هەرێم بۆ کاروباری ئابوری ڕایگەیاند، هەوڵ دەدەن بە پشت بەست بە داهاتی نەوت و ناوخۆ، پرسی موچە چارەسەر بکەن و دابەشکردنی بکرێتە مانگانە، هاوکات چارەنوسی ئەو کەسانەشی ئاشکرا کرد کە دوو موچە هەبووە یاخود بە نایاسایی پلەیان بەرزکراوەتەوە.

کەناڵی ناس کورد لە تێلیگرام جۆین بکە   

 

ڕێباز حەملان، یاریدەدەری سەرۆکى حکومەتی هەرێم بۆ کاروباری ئابوری لە چاوپێکەوتنێکدا بۆ میدیای پارتی کە "ناس کورد" بەدواداچوونی بۆ کردووە (12ی کانونی دووەمی 2021) دەڵێت، "ئیتر چاوەڕێ ناکەین و بودجەی خۆمان دەبێت لە هەرێمی کوردستان، هەوڵ دەدەین بابەتی موچە چارەسەر بکرێت و بکرێتە مانگانە، بۆئەوەى ئەو بابەتە کۆتایی بێت کە موچەخۆر نازانێت کەی موچە وەردەگرێت و ژیانی خۆیان ڕێک بخەن."

بۆ وەرگرتنی هەموو هەواڵ و بەپەلەکان، بچۆ کەناڵی ناس کورد لە تێلیگرام

دەشڵێت، لەئێستادا دۆخی دارایی حکومەتی هەرێم بەرەو باشتر هەنگاو دەنێت، داهاتی ناوخۆ بەهۆی دەستپێکردنەوەى جموجوڵی بازرگانی گەیشتووەتە 200 ملیۆن دۆلار، هەروەها داهاتی نەوتیش دەگاتە 200 بۆ 250 ملیۆن دینار.

 

باسی لەوەش کرد کە "ئەمساڵ بودجەی خۆمان دەبێت، ئەگەر بەغدا بودجە بنێرێت یاخود نەینێرێت، چیتر چاوەڕێی ئەوان ناکەین."

 

ڕێباز حەملان وتیشی، ئەو کەسانەی دوو موچەیان بە نایاسایی هەیە موچەیەکیان دەبڕدرێت و پارەکەشی بە شێوەیەکی قیست لە موچەی یەکەم دەبڕدرێت، هەروەها ئەو کەسانەی بە نایاسایی پلەیان بەرزکراوەتەوە پلەکانیان لێ دەسەنرێتەوە.