گه‌ڕان

Shadow Shadow
سیاسه‌تی

ڕاگەیەنراوێک لە ئەنجومەنی باڵای ئابوریی هەرێمی کوردستانەوە

2021.01.12 - 17:11
ڕاگەیەنراوێک لە ئەنجومەنی باڵای ئابوریی هەرێمی کوردستانەوە

ناس کورد-

ئەنجومەنی باڵای ئابوری هەرێمی کوردستان ئامادەکارییەکانی پڕۆژەیاسای بودجەی 2021 تاوتوێ دەکات و مەسرور بارزانیش دەڵێت، حکومەت هەموو هەوڵێکی خستووەتەگەڕ لە پێناو ڕێکخستنەوەی داهاتەکان و کەمکردنەوەی خەرجییە ناپێویستەکان.

 

بۆ وەرگرتنی هەموو هەواڵ و بەپەلەکان، بچۆ کەناڵی ناس کورد لە تێلیگرام

ئەمڕۆ ئەنجومەنی باڵای ئابوری هەرێمی کوردستان بە سەرپەرشتی مەسرور بارزانی، سەرۆکى حکومەتی هەرێمی کوردستان کۆبوویەوە و لە ڕاگەیەنراوێکدا کە "ناس کورد" بەدواداچوونی بۆ کردووە (12ی کانونی دووەمی 2021) دەڵێت، "گفتوگۆ دەربارەی دیاریکردنی هێڵە گشتییەکانی پڕۆژەیاسای بودجەی ساڵی 2021ی هەرێمی کوردستان و هەنگاوەکانی پرۆسە چاکسازی کرا."


دەشڵێت، "‎هەریەک لە وەزیرانی دارایی و ئابوری ئاوات شێخ جەناب و پلاندان دارا ڕەشید ڕاپۆرتێکیان دەربارەی دۆخی ئێستای دارایی و ئامادەکارییەکانی پڕۆژە یاسای بودجەی 2021 خستەڕوو."

 

ڕاگەیەنراوەکە ئاماژەی بەوەکردووە کە مەسرور بارزانی وتوویەتی، "حکومەتی هەرێم هەموو هەوڵێکی خستووەتەگەڕ لە پێناو ڕێکخستنەوەی داهاتەکان و کەمکردنەوەی خەرجییە ناپێویستەکان و ڕێکخستنەوەی میلاک و دەرھێنانی ناوی ئەو کەسانەی کە بە شێوەیەکی ناڕەوا سوودمەندبوون لە بودجە گشتی، بۆ ئەوەی ماف و شایستەی دارایی مووچەخۆری شایستە دەستەبەر بکرێت، سەرەڕای کارکردن بۆ کەمکردنەوەی ڕووتین لە ڕاییکردنی مامەڵە داراییەکان."

 

جەختیشی لەوە کردەوە کە "پێویستە لە ئامادەکردنی پڕۆژە یاسای بودجەی 2021 ، هەموو ئەگەرەکان لە بەرچاو بگیرێت و بودجەیەکی واقیعی و شەفاف بێت و پشت بە ژمارە و داتا و داهاتی نەوتی و نانەوتی و خەرجی ڕاستەقینە و کورتھێنان و دۆخی دارایی ئێستای هەرێمی کوردستان ببەستێت کە لە دوای پەسەندکردنی لە ئەنجومەنی وەزیران، دەخرێتە بەردەم پەرلەمانی کوردستان و ئەم بودجەیە دەبێتە هۆی برەودانی زیاتر بە شەفافیەت لە دارایی گشتی ھەرێم."

 
‎سەرۆکی حکومەت باسی لەوەشکردووە کە "هەرێمی کوردستان لە پێناو چارەسەرکردنی کێشەکان لەگەڵ حکومەتی فیدراڵی، هەموو ئەرکە دەستوورییەکانی خۆی جێبەجێ کردووە ، بۆیە دەبێ ‎دەسەڵاتی فیدراڵیش ماف و شایستە داراییەکانی هەرێم لە چوارچێوەی پڕۆژە بودجەی فیدڕاڵی بۆ ساڵی 2021 دابین بکات."

me_ga.php?id=2155me_ga.php?id=2156