گه‌ڕان

Shadow Shadow
سیاسه‌تی

’’هەنگاوێکى ئەرێنى بۆ کورد’’

ناوەڕۆکى ڕاپۆرتى لیژنەى دارایی لەسەر بودجە و خاڵى پەیوەندیدار بە هەرێم

2021.01.11 - 23:30
ناوەڕۆکى ڕاپۆرتى لیژنەى دارایی لەسەر بودجە و خاڵى پەیوەندیدار بە هەرێم

ناس کورد-

لیژنەى دارایی پەرلەمانى عێراق تێبینى و ڕاسپاردەکانى لەبارەى پڕۆژە یاساى بودجەى 2021 لە چوارچێوەى ڕاپۆرتێکدا ئامادەکرد کە بەشێکى پەیوەندى بە هەرێمى کوردستانەوە هەیە.

کەناڵی ناس کورد لە تێلیگرام جۆین بکە

ڕاپۆرتەکە کە وێنەیەکى دەست "ناس کورد" کەوتووە (11ی کانونی دووەمی 2021) لە 14 لاپەڕە پێکهاتووە و دەبێتە بنەما بۆ گفتوگۆکانى پەرلەمانى عێراق لەسەر پڕۆژەى بودجە.

 

لە بەشێکى ڕاپۆرتەکەدا بەراوردکاریی کراوە لەنێوان بودجەى 2019 و بودجەى 2021 و ژمارەى فەرمانبەران و بڕى بودجەى تەرخانکراو بۆ وەزارەت و دام و دەزگاکان.

 

بەپێی بەراوردەکە، بەگشتى ژمارەى دەستى کارى گشتى بەراورد بە 2019، بەرێژەى 11% زیادیکردووە کە دەکاتە 321 هەزار و 944 موچەخۆر، کە زۆرترینى لە بەرگرى و ناوخۆ بووە.

 

هەر لە بەراوردەکەدا ئاماژە بە ژمارەى فەرمانبەرانى هەرێم کراوە لە 2019 بە 682021 فەرمانبەر دانراوە لەساڵى 2021یش هەمان ژمارە نوسراوە، بەڵام رێژەى پارەى تەرخانکراو لە 2021دا 17% زیادیکردووە.

 

جەمال کۆچەر ئەندامى لیژنەى دارایی پەرلەمانى عێراق بە "ناس کورد" ى راگەیاند، ئامادەکردنى راپۆرتەکە "هەنگاوێکى ئەرێنیە" سەبارەت بە پشکى هەرێم، بەڵام ناتوانن بڵێن ڕێگەخۆشکەرە بۆ ئەوەى پشکى هەرێم وەک خۆى تێپەڕێت.

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن - بۆ گالاکسی - بۆ هواوى

 

وتیشى، "تاکە چارەسەر ئەوەیە شاندێکى باڵاى سیاسی هەرێم بچێتە بەغدا و لایەنەکان ڕازى بکەن کە پابەندبن بە هەناردەکردنى نەوت، ئەگەرنا لایەنە عێراقییەکان داواى هەموو نەوتى هەرێم دەکەن".

 

لەراپۆرتەکەى لیژنەى داراییدا ئاماژە بەخاڵە نوێیەکانى پڕۆژەى بودجەى ئەمساڵ کراوە بەراورد بە پڕۆژەى بودجەى 2019، کە بەشێکیان ئەو خاڵانایە کە پەیوەندیدارە بە پشکى هەرێم لەبەرانبەر رادەستکردنى نەوتدا.

Image may contain: one or more people, people sitting, table and indoorImage may contain: one or more people, people sitting, table and indoorImage may contain: 1 person, sitting, table and indoorImage may contain: 3 people, people sitting and indoorImage may contain: 1 person, sitting and indoorImage may contain: 1 person, sitting, table and indoor