گه‌ڕان

Shadow Shadow
سیاسه‌تی

’سەروى 20 بازدان’

هەوڵێکى زانستى لەهەرێمەوە بۆ ’دەستنیشانکردنى’ نەوەى گۆڕاوى کۆرۆنا

2021.01.10 - 20:43
هەوڵێکى زانستى لەهەرێمەوە بۆ ’دەستنیشانکردنى’ نەوەى گۆڕاوى کۆرۆنا

ناس کورد-

سەرپەرشتیاری تیمی تاقیگەی دەستنیشانکردنی کۆرۆنا لە سلێمانى رایگەیاند، لەهەوڵى ئەوەدان لەرووى زانستییەوە نەوەى گۆڕاوى کۆرۆنا دیاری بکەن و بیناسنەوە، بۆ ئەوەى بتوانن رێگرى لەهەر ئەگەرێکى بڵاوبوونەوەى بکەن.

 

د.زانا حەمید (یەکشەممە، 10ى کانوونى دووەمى 2021) بە "ناس کورد"ى راگەیاند "بە ئامانج گرتنى ڤایرۆسى گۆڕاو پێویستى بە بەئامانج گرتنى جینەکانى ڤایرۆسەکە هەیە چونکە گۆڕاون، ئێمە دەتوانین ئەوە بکەین، لەبەرنامەشماندایە ئەو جۆرە ڤایرۆسە دیاری بکەین، چونکە رێگەگرتن لەهەر ڤایرۆسێک بە دەستنیشانکردنى دەستپێدەکات و ئێمە لەو پرۆسەیەداین".

 

وتیشى "لەڤایرۆسە گۆڕاوەکەدا سەروى 20 بازدان روویداوە ئەوەش وایکردووە خوڕەوشتى ڤایرۆسەکە بگۆڕێت و خێراتر بڵاوبێتەوە، ئەوانەى توشبوون دەڵێن توندتر بووە، هەرچەندە هێشتا بە توێژینەوە ئەوە نەسەلمێنراوە".

 

د.زانا حەمید باسى لەوەشکرد، ئەوانەى چوار مانگ زیاتر توشى پەتاى کۆرۆنا بوون دەبێت ئاگاداربن چونکە ئەگەرى توشبوونەوەیان هەیە لەهەر شەپۆلێکى دیکەى بڵاوبوونەوەى ڤایرۆسەکەدا.