گه‌ڕان

Shadow Shadow
سیاسه‌تی

وردەکاری

لەسەر خۆکوشتنی گەنجانی ئێزدی لە دهۆک پەرلەمان ’’داوایەکی جدی’’ لە حکومەت دەکات

2021.01.10 - 15:13
App store icon Play store icon Play store icon
لەسەر خۆکوشتنی گەنجانی ئێزدی لە دهۆک پەرلەمان ’’داوایەکی جدی’’ لە حکومەت دەکات

ناس کورد-

دوو لیژنەى پەرلەمانى لە عێراق داوای "لێکۆڵینەوەیەکى جیدى و بەپەلە" لە حکومەت دەکەن لەسەر دیاردەى خۆکوشتن لە کەمپى ئاوارە ئێزدییەکان.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

لە ڕاگەیەنراوێکدا کە کۆپیەکى بە دەستى "ناس کورد" گەیشتووە، ڕەعد دەهلکى، سەرۆکى لیژنەکانى کۆمەڵایەتى و ئاوارەکان  لە پەرلەمانى عێراق (10ى کانونى دووەمى 2021) ڕایگەیاندووە، "بەمدواییانە دیاردەیەکى مەترسیدار دەبینن و ئەوەش هەڵکشانى خۆکوشتنە لەناو کەمپى ئاوارەکان بە تایبەت لەناو پێکهاتەى ئێزدییەکان و واى لێکردوون بیانخەنە بەردەم چەند پرسیارێک لەبارەى هۆکارەکانى ئەو دیاردەیەوەیە."

 

لە ماوەی هەشت ڕۆژی سەرەتای ئەمساڵ، پێنج حاڵەتی خۆکوشتن لەناو کەمپی ئێزدییەکان لە پارێزگای دهۆک ڕوویان داوە، سەرجەمیان گەنجن و تەمەنیان لە نێوان 15 بۆ 25 ساڵیدایە.

 

ئاماژەى بۆ ئەوەش کردووە، "پێویستە بەکەمتەرخەمییەوە مامەڵە لەگەڵ ئەو دۆخەدا نەکرێت و دەبێت دۆسییەکى لێکۆڵینەوەى حکومیى و بەپەلە لەسەر ئەو دیاردە ترسناکە بکرێت بۆ ئەوەى سنورێک بۆ چارەسەرکردنى دابنرێت."

 

دەهلکى دەشڵێت، چەند میکانیزمێکى باشیان لەبەردەستدایە لەڕێگەى حکومەتەوە بۆ چارەسەرکردنى بەشێک  لە کێشە و نەهامەتیەکانى ئاوارەکان بەڵام لە بودجەى ئەمساڵدا دەرماڵەى پێویست بۆ گەڕانەوە و پاڵپشتیکردنى ئاوارەکان و ئاوەدانکردنەوەى ناوچەکانیان تەرخاننەکراوە و ئەوەش پشتگوێخستنە لەلایەن دەسەڵاتى جێبەجێکردنەوە.

 

سەرۆکى ئەو لیژنە پەرلەمانییە بە پێویستى دەزانێت ڕێکخراوە نێودەوڵەتیەکانى تایبەت بە مافەکانى مرۆڤى سەر بەنەتەوە یەکگرتووەکان سەردانى کەمپی ئاوارەکان بکەن بۆ ئەوەى سنورێک بۆ ئەو پێشیلکاریانە دابنێن کە دەرهەقیان دەکرێت.