گه‌ڕان

Shadow Shadow
سیاسه‌تی

دژایەتی ترەمپ

جێگرەکەى ترەمپ دیسان پێچەوانەی سەرۆک دەجوڵێتەوە و هەڕەشەی لەسەرە

2021.01.10 - 08:43
App store icon Play store icon Play store icon
جێگرەکەى ترەمپ دیسان پێچەوانەی سەرۆک دەجوڵێتەوە و هەڕەشەی لەسەرە

ناس کورد-

بەرپرسێکی باڵای کۆشکی سپی بە ئاژانسی هەواڵیی ڕیتەرزی وتووە کە مایک پێنس، جێگری سەرۆکى ئەمریکا ئامادەی ڕێوڕەسمی دەستاودەستکردنی دەسەڵات دەبێت.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

بەرپرسە باڵاکەى کۆشکی سپی زانیاری زیاتری لەوبارەیەوە بۆ ڕۆیتەرز نەدرکاندووە، ئەوەش دوای ئەوە دێت کە هەینی ڕابردوو دۆناڵد ترەمپ، سەرۆکى ئەمریکا ڕایگەیاند کە ئامادەی ئەو ڕێوڕەسمە نابێت کە بڕیارە 20ی کانونی دووەمی بەڕێوەبچێت و بایدن بە فەرمی دەسەڵات وەربگرێت.

 

جێگرە کۆمارییەکەی ترەمپ بەدوری نازانێت بەهۆی ڕەفتارە سەرکێشییەکانی دۆناڵد ترەمپ، بژاردەی دوورخستنەوەی لە پۆستەکەیدا بەکاربهێنێت، بەتایبەتی دوای تەشەنەسەندنی ئاڵۆزی سیاسی لەو ڵاتەکەی بەهۆی هەڵکوتانە سەر باڵەخانەی کۆنگرێسی ئەمەریکا لەلایەن لایەنگرانی ترەمپەوە.

 

بەگوێرەی هەواڵێکی تۆڕی هەواڵی "سی ئێن ئێن"ی ئەمرێکی (10ی کانونی دووەمی 2021) کە "ناس کورد" بەدواداچوونی بۆ کردووە، سەرچاوەیەکی نزیک لە  مایک پێنس، جێگری سەرۆکی ئەمەریکا ڕایگەیاندووە، "ناوبراو بەدوری نازانێت ماددەی 25 لە دەستوری وڵاتەکەی بەکاربهێنێت بۆ بەرگرتن لە سەرکێشییەکانی ترەمپ بەتایبەتی دوای هەڵکوتانی لایەنگرانی ناوبراو بۆ سەر باڵەخانەی کۆنگرێسی ئەو وڵاتە".

 

ئاماژە بەوەشکراوە، "مەترسی ڕاستەقینە هەیە لە ڕەفتارە نابەجێیەکانی ترەمپ کە ببێتە هۆکاری تێکدانی سەقامگیری سیاسی لە ئەمەریکا، بۆیە لە ئێستادا تیمەکەی پێنس سەرقاڵی ئەوەن کە پردێکی پەیوەندی پتەوە بۆ ئێدارەکەی جۆ بایدەن فەراهەم بکەن و هاوکاری بن لە بارەی بنبڕکردنی ڤایرۆسی کۆرۆنا".

 

هاوکات دوو سەرچاوەی ئاگادار جەخت دەكەنەوە لەوەى ناكۆكییەكانی نێوان دۆناڵد ترەمپی سەرۆكی ئەمەریكا و جێگرەكەی مایك پێنس لە 24 كاتژمێری رابردوودا قووڵتر بووەتەوە و لەپاش هەڵكوتانە سەر كۆنگرێسیش پێكەوە قسەیان نەكردووە.  

  

بەپێی ئەو زانیارییانەی تۆڕی CNN بڵاویكردووەتەوە و "ناس كورد" بەدواداچوونی بۆ كردووە (9 كانونی دووەمی 2021)، ترەمپ زۆر بێزار و توڕەیە لە مایك بێنسی جێگری، لە بەرامبەریشدا پێنس زۆر بێهیوا و دڵشكاوە لە ترەمپ.  

  

بەپێی تۆڕە ئەمەریكییەكە ئەم ساردییە لەوكاتەوە دەستی پێكردووە كە ترەمپ گوشاری ئەوەی دەستپێكرد، پێنس بتوانێت بەرپەرچی پەسەندكردنی ئەنجامەكان بداتەوە، لە رووداوەكانی هەڵكوتانە سەر كۆنگرێسیشدا ناكۆكییەكە گەیشتووەتە لوتكە لە دوو رۆژی رابردوودا.  

  

 هەر بەپێی زانیارییەكان، پێنس هانی وەزیری بەرگری داوە خێرا بەپیر هێوركردنەوەی دۆخەكە بچن، لەم ماوەیەی دوایشدا ترەمپ هیچ پەیوەندییەكی بە جێگرەكەیەوە نەكردووە بۆ دڵنیابوونەوە لە بارودۆخ و كارەكانی.