گه‌ڕان

Shadow Shadow
سیاسه‌تی

زانیاری زیاتر

ڕۆحانی: ڕێگەنادەین ڤاکسینی کۆرۆنا لەسەر هاووڵاتیانمان تاقیبکرێتەوە

2021.01.09 - 23:23
App store icon Play store icon Play store icon
ڕۆحانی: ڕێگەنادەین ڤاکسینی کۆرۆنا لەسەر هاووڵاتیانمان تاقیبکرێتەوە

سەرۆک کۆماری ئیسلامی ئێران ڕایگەیاند، وڵاتەکەی ڕێگەنادات کۆمپانیا بیانییەکانی تایبەت بە دروستکردنی ڤاکسینی دژبە ڤایرۆسی کۆرۆنا ڤاکسینەکەیان لەسەر هاووڵاتیانی ئێران تاقیبکەنەوە، جەختیشیکردەوە، بەدەستخستنی ڤاکسین کاری لەپێشینەیانە.

کەناڵی ناس کورد لە تێلیگرام جۆین بکە   

 

حەسەن رۆحانی، سەرۆک کۆماری ئیسلامی ئێران، لەمیانەی کۆبوونەوەیەکی لەگەڵ کۆمسیۆنی نیشتیمانیی ئێران بۆ ڕووبەڕووبوونەوەی کۆرۆنا (شەممە 9ی کانوونی دووەمی 2021) کە " ناس کورد" بەدواداچوونی بۆکردووە، رایگەیاند، وەزارەتی تەندروستیی ئێران داوای کۆمپانیایەکی بیانی رەتکردووەتەوە بۆ تاقیکردنەوەی ڤاکسینەکەی لەئێران".

 

ئەوەشی تووە، وەزارەتی تەندروستی هەڵوێستێکی باشی هەبووە و هاووڵاتیانی ئاگادارکردووەتەوە کە رێگەنادەن کۆمپانیا بیانییەکان ڤاکسینی خۆیان لەسەر ئەوان تاقیبکەنەوە.

 

ئاماژەی بەوەشداوە، "بە دەستخستنی ڤاکسین کاری لەپێشینەمانە، فەراهەم کردنی ڤاکسین مانای ئەوە نابەخشێت پڕۆتۆکۆڵە تەندروستییەکان فرامۆش بکرێن، دەبێت پێش پێدانی ڤاکسین بە هاووڵاتیان، دڵنیابین لە سەلامەتی و کارابوونی دژ بە نەخۆشییەکە".

 

سەرۆکی ئێران ئەوەشی خستووەتەڕوو،" هەنگاوی باش نراوە لە بارەی بەدەستخستنی ڤاکسینێکی خۆماڵی دژ بە پەتای کۆرۆنا، دواکەوتنی  هاوردە کردنی ڤاکسینیش لە دەرەوەی وڵاتە پەیوەندی بە کێشەی چۆنێتی گۆاستنەوەی پارەوە هەیە بۆ دەرەوە".

 

بەوتەی ڕۆحانی، بەهۆی هاوکاریی هاووڵاتیان و دەزگا تەندروستییەکانی وڵاتەکەی، دۆخی کۆرۆنا  لە ئێران بەرەو باشبوون دەڕوات، بە جۆرێک لە ئێستادا ڕێژەی توشبوون بە نەخۆشییەکە لە 80% کەمی کردووە و ژمارەی گیانلەدەستدانیش بە پەتاکە بەڕێژەی لە 70% دابەزیوە.