گه‌ڕان

Shadow Shadow
سیاسه‌تی

کاردانەوەیەک لە فەتحەوە

هاوپەیمانێتی فەتح: سزادانی فەیاز بە ئامانجگرتنی حەشدە

2021.01.09 - 19:17
App store icon Play store icon Play store icon
هاوپەیمانێتی فەتح: سزادانی فەیاز بە ئامانجگرتنی حەشدە

ناس کورد- 

هاوپەیمانێتی فەتح-ی سەربە هادی عامری، سەرکۆنەی سزدانی فالح فەیاز، سەرۆکی دەستەی حەشدی شەعبی  کرد لەلایەن وەزارەتی گەنجینەی ئەمەریکا و هوشداریدا لەوەی کە سزدانی ناوبراو مەبەست لێی بە ئامانجگرتنی حەشدە.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا کە وێنەیەکی دەست "ناس کورد" کەوتووە ( 9ی کانوونی دووەمی 2021) هاوپەیمانێتی فەتح، ڕایگەیاند، " ئەوەی ئەمەریکا کردوویەتی دەستدرێژیە بۆسەر سەرۆکی دەستەکە کە پەیوەندی ڕاستەوخۆی بە فەرماندەیی گشتیی هێزە چەکدارەکانی عێراقەوە هەیە".

 

ئاماژەی بەوەشکردووە، "سزدانی فەیاز بە ئامانجگرتنی حەشدە و دەستدرێژییە بۆ سەر هەموو دەزگا ئەمنییەکانی عێراق و دەستێوەردانێکی حاشاهەڵنەگری ئەمریکایە بۆ ناو کاروباری ناوخۆیی عێراق کە مەبەست لێی لاوازکردنی گەلەکەی و حکومەتەکەیەتی".

 

لەڕاگەیەندراوەکەدا ئەوەش خراوەتەڕوو، "جەختدەکەینەوە کە برامان فەیاز، کەسایەتییەکی تێکۆشەر و نیشتیمانییە، یەکێکە لەو کەسایەتیانەی کە هاوبەشی گەڵەکەی بووە لە کاتی پرۆسەی ڕزگارکردنی وڵات لە دەستی تیرۆرستان و هاوخەمی نەتەوەکەی بووە لە دۆزە نیشتیمانییە گرنگەکان."

 

ڕۆژی هەینی 8ی کانوونی دووەمی 2021، وەزارەتى گەنجینەى ئەمریکا سزاى بەسەر فالح فەیاز سەرۆکى دەستەى حەشدى شەعبیدا لە عێراق سەپاند.  

  

وەزارەتەکە لە ڕاگەیەندراوێکدا (هەینی 8ی کانونی دووەمی 2021) کە وێنەیەکى دەست "ناس کورد" کەوتووە ئاماژەى بەوەکردووە "ئەندامانى هاوپەیمان لەگەڵ ئێران لە حەشدى شەعبى، هێرشیان کردووەتە سەر هاوڵاتیانى مەدەنى عێراقى کە خۆپیشاندانیان کردووە دژى گەندەڵى و بێکارى و خراپى دۆخى خزمەتگوزاریی و دەستوەردانى ئێران لە کاروبارى عێراق".    

  

ئاماژەى بەوەشکردووە، "فالح فەیاز بەشێکە لەو شانەى قەیرانەى کە لە بنەڕەتدا لە سەرکردەکانى حەشدى شەعبى پێکهێنرا لەکۆتایی ساڵى 2019 بۆ سەرکوتکردنى ناڕەزاییەکانى عێراق بە پشتیوانى سوپاى پاسدارانى ئێرانى و فەیلەقى قودس".