گه‌ڕان

Shadow Shadow
سیاسه‌تی

 پێش رۆیشتنى لەکۆشکى سپى

’’رێگرى لە ترەمپ دەکرێت’’ بۆ ئەنجامدانى هێرشى ئەتۆمى

2021.01.08 - 21:47
App store icon Play store icon Play store icon
’’رێگرى لە ترەمپ دەکرێت’’ بۆ ئەنجامدانى هێرشى ئەتۆمى

ناس کورد-

 

نانسى پیلۆسى سەرۆکى ئەنجومەنى نوێنەرانى ئەمریکا رایگەیاند، لەگەڵ فەرماندە سەربازییەکانى وڵاتەکەى تاوتوێی ئەوەیان کردووە کە رێگرى لە ترەمپ بکرێت بۆ ئەنجامدانى هەر پرۆسەیەکى سەربازى یان هێرشێکى ئەتۆمى.

کەناڵی ناس کورد لە تێلیگرام جۆین بکە   

 

بەپێی ئاژانسى رۆیتەرز کە "ناس کورد" بەدواداچوونى بۆ کردووە، پیلۆسى لە نامەیەکدا بۆ ئەندامانى ئەنجومەنى نوێنەران ئاماژەى بەوەکردووە، لەگەڵ مارک میلى سەرۆک ئەرکانى هاوبەشى ئەمریکا قسەیکردووە لەبارەى گرتنبەرى رێوشوێن بۆ رێگرى لە ترەمپ بۆ دەستگەیشتنى بە کۆدى چەکى ئەتۆمییەکان یان ئەنجامدانى هەر هێرشێکى سەربازى و ئەتۆمى.

 

دەشڵێت "دۆخى ئێستاى ترەمپ ناجێگیرە و دوایین پلەى مەترسی تێپەڕاندووە، پێویستە کاربکەین بۆ پاراستنى گەلى ئەمریکا لەهەر هێرشێکى ناهاوسەنگ بۆ سەر وڵات و دیموکراتیەت".

 

ترەمپ روبەڕووى رەخنەى فراوان بووەتەوە و تۆمەتبارکراوە بە هاندانى لایەنگرانى بۆ هێرشکردنە سەر باڵەخانەى کۆنگرێس کە بەهۆیەوە پێنج کەس کوژران.

 

رۆژى پێنج شەممە کۆشکى سپى رایگەیاند، ژمارەیەک فەرمانبەرى ئیدارەى ترەمپ دەستلەکارکێشانەوەیان پێشکەشکردووە بەهۆى ئەو رووداوانەوە، دیموکراتەکانیش لە کۆنگرێس جموجۆڵیان بۆ لەکارخستنى ترەمپ دەستپێکردووە.