گه‌ڕان

Shadow Shadow
سیاسه‌تی

نوێترین زانیاری

نوێترین ئاماژەی نەخشەكان لەبارەی بارانبارین لە هەرێمی کوردستان

2021.01.07 - 20:22
App store icon Play store icon Play store icon
نوێترین ئاماژەی نەخشەكان لەبارەی بارانبارین لە هەرێمی کوردستان

ناس کورد-

بەگوێرەی سەرچاوە کەشناسییەکانی هەرێم سبەینێ هەینی ئاسمان ساماڵ دەبێت و ڕۆژ لەدوای ڕۆژیش ئەگەری بارانبارینەکەی 14ی مانگ نزیکدەبێتەوە.

 

کەناڵی ناس کورد لە تێلیگرام جۆین بکە   

 

ئاراس جەبار، شارەزای بواری کەشناسی (پێنجشەممە 7ی کانوونی دووەمی 2021) لە فەسبوکی "دەزگای کەشناسی کوردستان" بڵاوکردەوە، "سبەینێ ھەینی ئاسمانی ھەرێم ساماڵ دەبێت و پلەکانی گەرما بەرێژەی یەک بۆ دوو پلەی سیلیزی بەراورد بە ئەمرۆ بەرزدەبنەوە، خێرایی با ئاسایی دەبێت بە ئاراستەی جیا جیا 5 - 10 کیلۆمەتر لە کاتژمێرێکدا ."

 

ئاماژەی بەوەشكردووە، " نوێترین گۆرانکاری دەربارەی شەپۆلە بارانبارینەکەی 14ی مانگەوە لە ئاستی جێگیربوون نزیک دەبێتەوە، لە ئێستا بەرێژەی لەسەدا %40 جێگیر بووە واتا %60ی‏ لەگۆرانکاریدایە."

 

ماوەی زیاتر لە دوو هەفتەیە باران لە هەرێمی کوردستان نەباریوە، ئەوەش زیانی بۆ کشتوکاڵی جوتیاران هەیە و بەگوێرەی سەرچاوە کەشناسییەکان لە 14ی ئەم مانگەوە شەپۆلێکی باران و بەفربارین ناوچەکە دەگرێتەوە.