گه‌ڕان

Shadow Shadow
سیاسه‌تی

وردەکاریی ئامارەکان

پێشێلکاری بەرانبەر ڕۆژنامەنوسان ’زیادیکردووە’

2021.01.07 - 14:54
App store icon Play store icon Play store icon
پێشێلکاری بەرانبەر ڕۆژنامەنوسان ’زیادیکردووە’

ناس کورد-

سکرتێری لیژنەی داکۆکی لە مافی رۆژنامەنوسان ئامارەکانی پێشێلکاری بەرانبەر ڕۆژنامەنوسان لە ماوەی ساڵی ڕابردوو ئاشکرا دەکات و نەقیبی سەندیکاکەش دەڵێت ئامارەکان بەراورد بە ساڵانی پێشوو زیادیکردووە.

 

کەناڵی ناس کورد لە تێلیگرام جۆین بکە   

د. نەزاکەت حسێن سکرتێری لیژنەی داکۆکی لە مافی رۆژنامەنوسان لە سەندیکای رۆژنامەنوسانی کوردستان لە میانی کۆنگرەیەکی ڕۆژنامەوانیدا کە "ناس کورد" بینەری بوو (7ی کانونی دووەمی 2021) ڕایگەیاند، لە 1ی 1ی 202 تاوەکو 31ی 12ی 2020، 138 حاڵەتى پێشێلکارى بەرانبەر 315 رۆژنامەنوس و دەزگاى راگەیاندن تۆمارکراوە.

 

رونیشیکردەوە، جۆرەکانی پێشێلکارییەکان بەمجۆرە بووە، دەستگیرکردن 42 حاڵەت بووە بەرانبەر 98 رۆژنامەنوس، ڕێگە نەدان بە ڕوماڵ 47 حاڵەت هەبووە بەرانبەر بە 104 ڕۆژنامەنوس، هێرش و سوکایەتی 32 حاڵەت هەبووە بەرانبەر 88 ڕۆژنامەنوس، لێدان 8 حاڵەت هەبووە بەرانبەر 15 ڕۆژنامەنوس.

 

پێشێلکارییەکانى دیکە بریتین لە، تۆمارکردنی سکاڵا دژی ڕۆژنامەنوس 4 حاڵەت بەرانبەر 5 ڕۆژنامە نوس، داخستنی نوسینگەو دەزگا 3 حاڵەت هەبووە بەرانبەر 3 دەزگای ڕاگەیاندن، وەرگرتنی بەڵێن نامە لە ڕۆژنامەنوس کە کار نەکات بەو مەرجەش ئازاد کراوە یەک حاڵەت.

 

پێشێلکارییەکان بەپێی ڕەگەز بەمجۆرە بووە، 308 حاڵەتی پێشێلکاری  بەرانبەر ڕەگەزی نێر بووەو 7 حاڵەتیش بەرانبەر ڕەگەزی مێ بووە.

 

 هەروەها پێشێلکارییەکان بەپێی پارێزگاکان بەمجۆرەیە، سلێمانی 36 حاڵەت، هەولێر 46 حاڵەت، دهۆک 14 حاڵەت، هەڵەبجە 17 حاڵەت، کەرکوک 25 حاڵەت، هەریەک لە نەینەوا و موسڵ و خانەقین یەکی یەک حاڵەت جگە لەوەش بەغدا 2 حاڵەت، نەجەف یەک حاڵەت و ڕۆژئاوای کوردستان یەک حاڵەتی پێشلێلکاری تۆمار کراوە.

 

لاى خۆیەوە، حاکم ئازاد حەمە ئەمین نەقیبی سەندیکای ڕۆژنامەنوسان وتی "بەپێی ئامارەکان پێشێلکاری بەراورد بە پێشتر زیادیکردووەو زیادبوونی حاڵەتەکانیش بۆ حکومەت و دامو دەزگاکان ئیجابی نییە و جگە لەوەش میدیا کارانیش کەموکورتییان هەیەو خەڵکێکی زۆر نامۆ لە ناو ڕۆژنامەنوسان هەیە".