گه‌ڕان

Shadow Shadow
سیاسه‌تی

وردەکاریى

دوا پەرەسەندنەکانى ئەمەریکا ’داواى دورخستنەوەى ترەمپ دەکرێت’

2021.01.07 - 09:28
App store icon Play store icon Play store icon
دوا پەرەسەندنەکانى ئەمەریکا ’داواى دورخستنەوەى ترەمپ دەکرێت’

ناس کورد- 

ژمارەیەک بەرپرسى کۆمارییەکان لەکۆشکى سپى بەپێویستى دەزانن پێش کۆتایى هاتنى ویلایەتەکەى دۆناڵد ترەمپ لەپۆستى سەرۆکایەتى ئەمەریکا دەربکرێت.

 

کەناڵی ناس کورد لە تێلیگرام جۆین بکە   

بەگوێرەى هەواڵێکى ئاژانسى (سى ئێن ئێن)ى ئەمەریکا کە "ناس کورد" بەدواداچوونى بۆ کردووە (7ى کانوونى دووەمى 2021) لەسەر زارى چەند بەرپرسێکى باڵاى پێشوو و ئێستاى ئەمەریکاوە بڵاوى کردەوە، کارە قێزەونەکانى دۆناڵد ترەمپ مایەى ئەوەیە لەکۆتایى ویلایەتەکەیدا دوربخرێتەوە و ڕاشیانگەیاند، هەڵکوتانە سەر کۆنگرێس شۆکێکى گەورەیە بۆ سەر سیستمى حوکمڕانى ئەمەریکا وئیدى چۆن ترەمپ تا دوو هەفتەى دیکە بمێنێتەوە؟.

 

ئەو کەناڵە ئەمەریکیە باسى لەوەش کردووە، ئەو بەرپرسانەى ئەمەریکا بۆ دورخستنەوەى ترەمپ باسیان لە هەموارکردنى 25 دەستورى ئەمەریکا کردووە کە پشتیوانى جێگرى سەرۆکى دەوێت و زۆربەى ئەو بەرپرسانەشى کە ئەندامن لەکابینەکەى ترەمپ پاساوەکەیان بۆ دورخستنەوەى پێش کۆتایى ویلایەتەکەى ناشایستە بوونیەتى بەپۆستەکەى.

 

بەپێى سەرچاوەیەکیش لەکۆشکى سپیەوە کە بەکەناڵەکەى ڕاگەیاندووە، دواى ڕوداوى هەڵکوتانە سەر کۆنگرێسى ئەمەریکا لەئێستادا گاردى سەرۆکایەتى زیاترخراوەتە ئامادەباشییەوە و ژمارەکانیشى لەو ناوچەیە زیاد کراوە.

 

هەر لەدرێژەى ئەو کاردانەوە بەرفراوانەى کە لەڕوداوى هەڵکوتانە سەر کۆنگریسى ئەمەریکا لەلایەن لایەنگرانى سەرۆکى ئێستاى ئەمەریکاوە کەوتووەتەوە، مایک گالگار پەرلەمانتارى کۆمارییەکانى ئەمەریکا ڕایگەیاند، ئەوەى لەکۆنگرێس ڕوویدا هەر لە شەڕى عێراق دەچوو.

 

ئەوەش دواى ئەوە هات، دوێنێ چوارشەممە (6ى کانوونى دووەمى 2021) لایەنگرانى دۆناڵد ترامپ سەرۆکى ئەمەریکا چونە ناو تەلارى کۆنگرێس و کۆبونەوەکان کۆتاییان هات، هەروەها پاڕێزگارى واشنتۆن قەدەغەى هاتووچۆى ڕاگەیاند.    

 

دواى کۆبونەوەى کۆنگرێسى ئەمەریکا بۆ پەسەندکردنى ئەنجامى هەڵبژاردنەکانى ئەو وڵاتە کە لەمانگى 11 بەڕێوەچوو و تێیدا جۆ بایدن پاڵێوراوى دیموکراتەکان براوە بوو، لایەنەگرانى ترامپ دەستیان کرد بە خۆپیشاندان و داواى ئەوەیان کرد کە ئەنجامەکان پەسەند نەکرێت.  

  

خۆپیشاندەران چوونە ناو تەلارى کۆنگرێس و کۆبونەوەکانیش کۆتاییان پێهێنرا و گرژى لەنێوان خۆپیشاندەران و هێزە ئەمنیەکان دروستبوو، هەروەها پۆلیسى واشنتۆن داواى پاڵپشتى کرد.  

  

لاى خۆیەوە "میوریل باوزیر" پارێزگارى واشنتۆن لە کاتژمێر شەشى سەرلە ئێوارەوە بۆ شەشى بەیانى قەدەغەى هاتووچۆى ڕاگەیاند.   

 

دواى کاردانەوە ناوخۆیى و دەرەکییەکان لەسەر ئەو ڕوداوە، ترەمپ هاتە سەر خەت و داواى لەلایەنگرانى کرد بەئاشتى بچنە ماڵەوە و کۆتایى بەناڕازەیەتیەکان بهێنن.