گه‌ڕان

Shadow Shadow
سیاسه‌تی

وردەکاریى

پاسەوانێکى پەرلەمانى کوردستان پەلامارى پەیامنێرێک دەدات ’پەرلەمانتارێک ناوبژی دەکات’

2021.01.06 - 23:26
App store icon Play store icon Play store icon
پاسەوانێکى پەرلەمانى کوردستان پەلامارى پەیامنێرێک دەدات ’پەرلەمانتارێک ناوبژی دەکات’

ناس کورد- هەڤاڵ فەتاح

هاوکات لەگەڵ ئەو گرژییەی کەئەمڕۆ لەناو هۆڵی پەرلەمانی کوردستان ڕوویدا لەکاتی پێدانی متمانە بەوەزیری سامانە سروشتییەکان، گرژییەکی دیکەش لە دەرەوەی هۆڵەکەدا ڕوویدا، پەرلەمانتارێکیش کە لەکاتی ڕوودانی ئەو گرژییەدا لەوێ ئامادە بووە دەڵێت، پاسەوانێکی پەرلەمان پەلاماری پەیامنێری یەکێک لە میدیاکانیدا، ئێمەش ناوبژیمانکرد.

 

کەناڵی ناس کورد لە تێلیگرام جۆین بکە   

ئەبوبەکر هەڵەدنی، پەرلەمانتاری فراکسیۆنی یەکگرتوو لە پەرلەمانی کوردستان (6ی کانوونی دووەمی 2021) لەبارەى روداوەکە و لە لێدوانێکى بە "ناس کورد"ی ڕاگەیاند "دوای ئەوەی ئێمە لەناو هۆڵی پەرلەمان هاتینە دەرەوە و دەنگمان بە کاندیدەکەی پارتی نەدا بۆ پۆستی  وەزیری سامانە سروشتییەکان، لەناو حەرەمی پەرلەماندا کۆنگرەیەکی ڕۆژنامەوانیمان ڕێکخست، بەڵام بە پاساوی نەگونجاوی شوێنەکە بۆ لێدوانی ڕۆژنامەنووسی، لەلایەن پاسەوانێکی باڵەخانەی پەرلەمانەوە هێرش کرایە سەر یەکێک لە پەیامنێرەکان".

 

 هەڵەدنی ئاماژەی بەوەشکرد "گرژى و دەمەقاڵێ و شەڕە دەست لەنێوان پەیامنێرەکە و  پاسەوانەکەدا ڕویدا و ئەندامانی فراکسیۆنی یەکگرتوش کە لەوەی ئامادە بوون نەیانهێشت گرژییەکە زیاتر پەرە بسێنێت و شەڕەکەیان کۆتایی پێ هێنا، سوپاس بۆ خوا  نەبووە هۆی برینداربوونى کەسیش".

 

پەرلەمانتارەکەی فراکسیۆنی یەکگرتوو، سەرکۆنەی ڕووداوەکەی کرد وتی "ڕێگریکردن لە میدیاکاران و ڕۆژنامەنووسان، پێشێلێکی تەواوی ماف و یاسای بەدەستخستنی زانیارییە و دەستدرێژکردنیشە بۆ سەر شکۆی پەرلەمانتاران لەناو حەرمی پەرلەماندا".