گه‌ڕان

Shadow Shadow
سیاسه‌تی

دەوام دەستپێدەکاتەوە؟ 

دوایین زانیارى لەبارەى چارەنووسى خوێندنى ئەمساڵ 

2021.01.06 - 22:48
App store icon Play store icon Play store icon
دوایین زانیارى لەبارەى چارەنووسى خوێندنى ئەمساڵ 

ناس کورد- 

سەرۆکى لیژنەى پەروەردە لە پەرلەمانى کوردستان رایگەیاند، تا دڵنیادەبینەوە لە مەترسیەکانى نەوە نوێکەى کۆرۆنا کۆبوونەوەی لیژنەی باڵای ڕووبەڕووبوونەوەی کۆرۆنا دواخراوە  و داواش لە مامۆستایان و قوتابیان و دەکات دان بەخۆیاندا بگرن.

 

کەناڵی ناس کورد لە تێلیگرام جۆین بکە   

عەبدولسەلام دۆڵەمەڕى (6ى کانوونى دووەمى 2021) لە هەژمارى خۆى لەتۆڕى کۆمەڵایەتى فەیسبوک لەمیانەى بڵاوکردنەوەى بابەتێک کە "ناس کورد" بەدواداچوونى بۆ کردووە ئاماژەى بەوە کرد، لەسەر پێشنیازی وەزارەتی تەندروستی کۆبونەوەی لیژنەی باڵای ڕوبەڕوبونەوەی کۆرۆنا دواخرا بۆ کاتێکی تر، تاوەکو دڵنیا دەبنەوە لە مەترسی ڤایرۆسە نوێیەکە و گوایە بۆ پاراستنی گیانی ھاووڵاتیانە لەم پەتایە.

 

باسى لەوەشکرد، ئەمە لەکاتێکدایە کەوا لە کۆبونەوەی 2020/12/6 مان لەگەڵ وەزارەتی پەروەردە تەبەنی ئەوەمان کردبوو کەوا پێویستە لە بەرواری 2020/1/10 دەست بە پڕۆسەی خوێندن بکرێت، بەڵام لەکۆتاییدا سەلامەتی گیانی مامۆستایان و قوتابیان و خانەوادە بەڕێزەکانیان لە ھەموو شتێک گرنگترە.

 

سەرۆکى لیژنەى پەروەردە لە پەرلەمانى کوردستان هێماى بۆ ئەوەشکرد، بۆیە داواتان لێ دەکەین کەوا دان بەخۆتاندا بگرن و چاوەڕێی دوا ھەڵسەنگاندنی تەندروستی و ئامادەکاری و میکانیزمی وەزارەتی پەروەردە بکەن، با قوتابیان و خوێندکارانی ئازیز دڵنیابن کەوا ئەم ساڵی خوێندنیان پارێزراو دەبێت.

 

ئەمەش دواى ئەوەدێت بڕیاربوو 2021/1/7 لیژنەى باڵاى ڕوبەڕوبونەوەى کۆرۆنا کۆببێتەوە بۆ بڕیاردان لە چارەنوسى پرۆسەى خوێندن کە تا 2020/1/10 دواخرابوو.