گه‌ڕان

Shadow Shadow
سیاسه‌تی

وردەکاریی

یەکەم داواى یەکێتى لە وەزیرى نوێی سامانە سروشتییەکان

2021.01.06 - 14:58
App store icon Play store icon Play store icon
یەکەم داواى یەکێتى لە وەزیرى نوێی سامانە سروشتییەکان

ناس کورد-

 

سەرۆکى فراکسیۆنى یەکێتى لەپەرلەمانى کوردستان داواى لە وەزیرى نوێی سامانە سروشتییەکان کرد بچێتە بەغدا، بۆ چارەسەرکردنى کێشەکانى نەوت لەگەڵ بەغدا.

کەناڵی ناس کورد لە تێلیگرام جۆین بکە   

 

زیاد جەبار لە کۆنگرەیەکى رۆژنامەنوسیدا (6ی کانونی دووەمی 2021)  کە "ناس کورد" بینیویەتى رایگەیاند "وەزیرى نوێی سامانە سروشتییەکان ئەرکیەتى بۆ داهاتوو باشتر کارەکانى وەزارەتەکە رێکبخاتەوە و ناشەفافى نەهێڵێت و سیستەمێکى تازە بۆ دۆسیەى نەوت دابنیێت".

 

وتیشى "بۆ دانوستانەکان لەگەڵ بەغدا پێویستە وەزیرى سامانە سروشتیەکان بڕوات، چونکە بەشى زۆرى کێشەکان پەیوەندى بەو دۆسیەیەوە هەیە".

 

زیاد جەبار جەختیکردەوە ئەوان هیچ تێبینییەکیان لەسەر وەزیرى نوێی سامانە سروشتییەکان نەبووە بۆیە دەنگیان پێداوە.

 

ئەمڕۆ چوارشەممە (6ی کانونی دووەمی 2021) پەرلەمانی کوردستان دانیشتنێکی نائاساییدا ئەنجامداو بەدەنگى 81 پەرلەمانتار متمانە بە كەمال ئەتروشی درا بۆ پۆستی وەزیری سامانە سروشتییەكان.

 

ئەو 81 پەرلەمانتارەی دەنگیان بە وەزیری سامانە سروشتییەکاندا، پێکهاتوون لە 45 پەرلەمانتاری پارتی، 17 پەرلەمانتاری یەکێتی، 7  پەرلەمانتاری گۆڕان، 11 پەرلەمانتاری پێکهاتەکان و یەک پەرلەمانتاری لیستی سەردەم.    

  

د.کەمال ئەتروشی، لەساڵی 1975 لە زانکۆی بەغدا بڕوانامەی بەکالۆریۆسی لە زانستی جیۆفیزیک و زانستی بوومەلەرزەزانی بەدەستهێناوە، ساڵی 1991 بڕوانامەی دکتۆرای لە بواری جیۆفیزیک لە زانکۆی بۆردوی فەرەنسی بەدەستهێناوە، لە چەندین کۆمپانیای گەورەی بواری نەوت و وزە کاری کردووەو لە ساڵی 2017بووە جێگری سەرۆکی کۆمپانیایەکی کوەیتی کە لەبواری نەوت کاردەکەن و لە مانگی تەممووزی 2019ەوە راوێژکاری سەرۆک وەزیرانی هەرێمی کوردستانە بۆ وزە.