گه‌ڕان

Shadow Shadow
سیاسه‌تی

بریندارە

لەسنورى چەمچەماڵ تەقە لە بەڕێوەبەرێکى پۆلیس کرا 

2021.01.06 - 14:35
App store icon Play store icon Play store icon
لەسنورى چەمچەماڵ تەقە لە بەڕێوەبەرێکى پۆلیس کرا 

ناس کورد - هەڤاڵ غالب

 

لە ناحیەی سەنگاوی سەر بە قەزای چەمچەماڵ لەلایەن ڕاوچیەوە تەقە لە پۆلیسی دارستان کرا و بەهۆیەوە بەڕێوەبەری بنکەکە برینداربوو.

 

کەناڵی ناس کورد لە تێلیگرام جۆین بکە   

 

ڕەمەک ڕەمەزان، قائیمقامی چەمچەماڵ و سەرۆکی لیژنەی ئەمنی قەزاکە بۆ "ناس کورد" وتی "کاتژمێر ١١:٣٠بۆ ١٢ مەفرەزەکەیەکی پۆلیسی دارستانی سەنگاو بەمەبەستی دەستگیرکردنی ژمارەیەک ڕەوچی لە ئەرکدابوون، لەوکاتەدا لەلایەن ڕاوچیەکانەوە تەقە لە پۆلیسی دارستان کراوە و بەهۆیەوە ڕائید کارزان نورەدین بەڕێوەبەری بنکەی پۆلیسی دارستانی سەنگاو برینداربووە".

 

وتیشی "ئەو کەسانەی تەقەیان کردووە ناسراون و لەئێستادا فەرمانی گرتنیان بۆ دەرچووە و هێزە ئەمنییەکان لە هەوڵی دەستگیرکردنیاندان".

 

ڕائید کارزان فیشەک بەر سکی کەوتووە و  دوای ئەوە لە نەخۆشخانەی شەهید پێشڕەو لە چەمچەماڵ چارەسەری سەرەتایی بۆکرا لە ئێستادا ڕەوانەی نەخۆشخانەکانی سلێمانی کرا بەمەبەستی چارەسەرکردن.