گه‌ڕان

Shadow Shadow
سیاسه‌تی

جێگرەوەى ئاشتى هەورامى

فراکسیۆنی کۆمەڵ لەبارەى کاندیدەکەى پارتى خۆى یەکلاییکردەوە

2021.01.05 - 15:30
App store icon Play store icon Play store icon
فراکسیۆنی کۆمەڵ لەبارەى کاندیدەکەى پارتى خۆى یەکلاییکردەوە

ناس کورد-

فراکسیۆنی کۆمەڵی لە پەرلەمانی کوردستان ڕایگەیاند، دەنگ بە کاندیدی وەزارەتی سامانە سروشتییەکان نادات و بوون و نەبوونی وەزیرێک هیچ لە گوزەرانی خەڵک ناگۆڕێت.

 

کەناڵی ناس کورد لە تێلیگرام جۆین بکە   

فراکسیۆنی کۆمەڵی ئیسلامی لە پەرلەمانی کوردستان لە ڕاگەیەندراوێکدا کە وینەیەکی دەست "ناس کورد" کەوتووە (سێ شەممە 5ی کانونی دووەمی 2021) ئاشکرایکردووە، "ئێمە دەنگ نادەین بە کاندیدی ڕاسپێردراو بۆ پۆستی وەزیری سامانە سروشتییەکان، هەروەک چۆن لەکاتی خۆشیدا دەنگمان بەم کابینەیە نەدا کە هەموو گیانی نغرۆی شکست و گەندەڵیی بووە".

 

باسی لەوەشکردووە، "پێمانوایە دۆسیەى نەوتی حکومەتی هەرێم بەتەواوی شکستیهێناوەو داهاتەکەی لە خزمەتی شەخس و حزب و بنەماڵە سیاسییەکاندایەو بوون و نەبوونی وەزیرێک هیچ لە گوزەرانی خەڵک و دۆخی دارایی هەرێمی کوردستان ناگۆڕێت".

 

فراکسیۆنی کۆمەڵ ڕاشیگەیاندووە، "گۆڕین و پێداچوونەوە بەسەرجەم گرێبەستەکان و نەهێشتنی گەندەڵیی و بڕینی دەستی حزب و شەخس لەو سامانە نیشتمانییەی خەڵکی کوردستان و بەکارهێنانەوەی داهاتەکەی لەبەرژەوەندی خەڵک و بۆ خەزێنەی وەزارەتی دارایی، لە پێشترە وەک لە بوون و نەبوونی وەزیرێک".

 

بریارە رۆژی چوار شەممە پەرلەمانی کوردستان کۆببێتەوەو یەکێک لە بڕگەکانی دانیشتنەکەش تایبەتە بە دەنگدان لەسەر دیاریکردنی د. کەمال ئەتروشی بۆ پۆستی وەزیری سامانە سروشتییەکان لە کابینەی نۆیەمی حکومەتی هەرێمی کوردستان.