گه‌ڕان

Shadow Shadow
سیاسه‌تی

وردەکاری

سوپای عێراق ئامادەکاریی بۆ ’’نمایشێکى سەربازیی بێپێشینە’’ دەکات

2021.01.04 - 18:08
App store icon Play store icon Play store icon
سوپای عێراق ئامادەکاریی بۆ ’’نمایشێکى سەربازیی بێپێشینە’’ دەکات

 ناس کورد-

بەهۆی تێپەڕبوونی سەدەیەک بەسەر دامەزراندنی سوپای عێراق، لەبەغدا ئامادەکاریی بۆئەنجامدانی نمایشێکی سەربازیی گەورە بەبۆنەی ئەو یادەوە دەکرێت.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

سەرچاوەیەکی ئاگادار لەبەڕێوەبەرایەتی هاتوچۆی شاری بەغدا( 4ی کانوونی  دووەمی 2021) بە" ناس کورد"ی ڕاگەیاند،" بەهۆی ئامادەکاریی بۆ ئەنجامدانی مەراسیمی ساڵیادی دامەزراندنی سوپای عێراق، کە بڕیارە لە شەشی ئەم مانگەدا بەڕێوەبچێت، بەشێک لە شەقامەکانی بەغدا داخراون کە ئەوەش وایکردووە جەنجاڵی و کەڵەکەبوونی ئۆتۆمبێڵ لە چەند شەقامێکی شارەکەدا بەدی بکرێت".

 

هاوکات ئەفسەرێکی سوپای عێراق کە نەیویستووە ناوی بهێنرێت بە" ناس کورد"ی ڕاگەیاند، "بەشێک لە ناوچەکان و شەقامەکانی پایتەخت ئامادەکراون بۆ پێداڕۆشتنی کاروانییە سەربازییەکان و ئەو چەک و تانکانەی کە بڕیارە لە نمایشە سەربازییەکەی ڕۆژی چوارشەممەی داهاتوو (6ی کانوونی دووەمی 2021) بەڕێوەبچێت".

 

وتیشی، "ئەو نمایشە سەربازییەی کە بڕیارە دوو ڕۆژی تر بەڕێوەبچێت نمایشێکی زۆر گەورە و زەبەلاح دەبێت کە پێشتر شتێکی لەوجۆرە ڕووی نەداوە".