گه‌ڕان

Shadow Shadow
سیاسه‌تی

نهێنی ئەو کەشتییە ئەمەریکیە چییە

هۆکارى هێشتنەوەى کەشتییە جەنگییە زەبەلاحەکەی ئەمەریکا لە کەنداو ئاشکرا دەکرێت

2021.01.04 - 15:10
App store icon Play store icon Play store icon
هۆکارى هێشتنەوەى کەشتییە جەنگییە زەبەلاحەکەی ئەمەریکا لە کەنداو ئاشکرا دەکرێت

ناس کورد-

پێش نزیکبوونەوەى ساڵیادى کوشتنى قاسم سولەیمانی و لەمیانەى شەڕى میدیایى نێوان ئەمەریکا و ئێراندا دەنگۆى گواستنەوەى کەشتیى  فڕۆکەهەڵگرى زەبەلاحى یو ئێس ئێس نیمیتز (CVN-68)ی ئەمەریکا لە کەنداوەوە بۆ ئەمەریکا بڵاوکرایەوە، بەڵام بەپێى ڕاگەیەنراوێکى پنتاگۆن ئەو فڕۆکەهەڵگرە دەریاییە لەشوێنەکەی خۆى دەمێنێتەوە ئەوەش بۆ رێگرى کردن لەهەر هەڕەشەیەکى ئێران.

کەناڵی ناس کورد لە تێلیگرام جۆین بکە   

 

کەشتیى فڕۆکەهەڵگری نیمیتز-ی ئەمەریکی کە دەنگۆى جیاوازى لەبارەوە بڵاودەکرێتەوە چیە و چۆنە و تایبەتمەندییەکانى چین..؟ 

 

لەم ڕاپۆرتەدا چەند تایبەتمەندییەکى خراوەتەڕوو:

 

یو ئێس ئێس نیمیتز (CVN-68) جۆرێکە لەفڕۆکەهەڵگرى ئەمەریکا کە بەزەبەلاحترین کەشتیى جەنگیی ئەمەریکا دادەنرێت و لەکاتى شەڕى دووەمى جیهانیدا بەکەشتى ئەمەریکى تشیستەر نیمیتز لەزەریاى هادى ناسراوە.

 

فڕۆکەخانەیەکى تایبەت بەخۆى هەیە و تواناى هەڵگرتنى حەوت جۆرى جیاوازى فڕۆکەى هەیە کە تێکڕاى 80 فڕۆکە لەخۆبگرێت و فڕۆکەکانیش لەهەر چوار خولەک جارێکدا دەتوانن بفڕن.

 

هەر بەپێى ئەو تایبەتمەندیانەى کە هەیەتى  ئەو فڕۆکانەى کە لەوێوە دەفڕن تواناى هێرشبردن و پاڵپشتى کردنى هێزى زەمینیان هەیە، هەروەها بەشێکى تایبەتى هەیە بۆ چارەسەرکردنى هەر ئەگەرێک کە دێتە پێشەوە.

 

دروستکردنى 

 

ساڵى 1976 بەناوى (CVAN 68) خراوەتەڕوو و جارێکى تر لەهەمان ساڵدا دیزاینەکەى نوێکراوەتەوە وەکو بەشێک لەڕێکخستنەوەى هێزى کەشتیەوانى ئەمەریکا.

 

چەند جارێک لە بەندەرەکانى ویلایەتە یەکگرتووەکانى ئەمەریکاوە گوێزراوەتەوە، بەتایبەت لەبەندەرى نۆرڤۆڵک لەویلایەتى ڤیرجینیا لەساڵى 1987 و دواتر بەرەو وێستگەى دەریاى بریمیرتۆن لەویلایەتى واشنتۆن گواستراوەتەوە و پاشانیش بەرەو وێستگەى دەریاى سان دیگۆ.

 

ساڵى 2012 جارێکى تر بەرەو وێستگەى ئیفریتى دەریایى لە واشنتۆن گواستراوەتەوە، ساڵى 2015 بەندەرە سەرەکییەکەى خۆى گۆڕیوە و چووەتە نیمچە دوورگەى کیتسابى دەریاى لەواشنتۆن.



گەشتەکانى

ساڵى 1977 چووەتە دەریاى سپى ناوەند و دواتریش بۆ ساڵى 1979 چووەتە دەریاى هیندى دواى گرژبوونى پەیوەندییەکانى ئەمەریکا و ئێران بەتایبەت لەگەڵ سەرهەڵدانى شۆڕشى ئێران لەدژى شا و بە بارمتە گرتنى 52 هاووڵاتى ئەمەریکى لەتاران.

 

ساڵى 1993 بەرەو کەنداوى عەرەبى گواستراوەتەوە و لەساڵى 1997 یەکەمین گەشتى دەریاى بە جیهاندا دەستپێکردووە و ساڵى 2001 گەڕاوەتەوە بۆ سان دیگۆ و دووبارە گەڕاوەتەوە کەنداو.

 

 بەرپرسانى ئەمەریکا دەڵێن، "بوونى نیمیتز لەنزیک کەنداو بۆ بەربەستدانانى هەر هێرشێکى ئێرانە لەدژى بەرژەوەندییەکانى ئەمەریکا."

 

ساڵى 2003 ئەمەریکا نیمیتزى خستووەتە چوارچێوە ئۆپراسیۆنە سەربەستییە هەمیشەیەکانى لەعێراقدا کە ناوێکە ئەمەریکا بۆ لێدان لەدژى تیرۆر بەکارى دەهێنیت و ساڵى 2005 نیمتیز توانیویەتى بۆ ماوەى شەش مانگ بەمەبەستى بەشداریکردنى لەشەڕى دژى تیرۆردا گەشتەکانى درێژە پێبدات.

 

ساڵى 2009 نیمیتز گەڕاوەتەوە بۆ کەنداو بۆ پاڵپشتى هێزە هەمیشەییەکانى ئەمەریکا و ساڵى 2012 جارێکى تر گەڕێنراوەتەوە بۆ بەندەرى ئیڤرێت لەواشنتۆن.