گه‌ڕان

Shadow Shadow
سیاسه‌تی

قائیمقامییەت چی پێ وتوون؟

سلێمانی؛ داوادەکرێت شەش نان بکرێت بە هەزار دینار

2021.01.03 - 11:27
App store icon Play store icon Play store icon
سلێمانی؛ داوادەکرێت شەش نان بکرێت بە هەزار دینار

ناس کورد-

ژمارەیەک لە نوێنەرانی نانەواخانە و سەمونخانەکانی سلێمانی لەبەردەم بینای قائیقامیەتی سلێمانی گردبوونەوە و داوا دەکەن، نرخی شەش نان بکرێت بە هەزار دینار و دەشڵێن، قائیمقامییەت پێی وتوون، کێشی گونکەکان کەم بکەنەوە.

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 3ی کانوونی دووەمی 2021، ژمارەیەک لە خاوەن نانەواخانە و سەمونخانەکانی سلێمانی لەبەردەم بینای قائیمقامییەتی سلێمانی گردبوونەوە و داوادەکەن، نرخی شەش نان بکرێت بە هەزار دینار.

 

ئەوان باس لەوەدەکەن کە بەهۆی بەرزبوونەوەی نرخی دۆلار بەرامبەر دینار، نرخی ئارد گران بووە و لەکاتی فرۆشتنی هەشت نان بە هەزار دینار هیچ قازانجێک ناکەن.

 

یەکێک لەو کەسانە لە لێدوانێکدا ڕایگەیاند، "هەفتەی ڕابردوو لەگەڵ قائیمقامییەتی سلێمانی کۆبووینەوە و وەک نمونە قائیمقامییەت فەردەیەک ئاردی هێنا و لە نانەواخەنەیەک کردمان بە نان، بەڵام لەکۆتاییدا قائیمقامییەت حەوت هەزار دینار زەرەری کرد."

 

ئاماژەیان بەوەشکرد، " ئیمە ئامادەین هەشت نان بدەین بە هەزار، بەڵام با حکومەتیش قەرەبوومان بۆ بکاتەوە، غازمان بداتێ، ئاردمان بداتێ، یاخود باجمان لێوەرنەگرێت.

 

ئاشکراشیان کرد، قائیمقامییەتی سلێمانی هیچ ڕێگەچارەیەکی ئەوتۆیان نییە و پێیان وتووین، "کێشی گونێک بکەن بە 100 گرام"، بەڵام ئەوەش لە زیانی خەڵکە و نانەکە بچوک دەبێتەوە.