گه‌ڕان

Shadow Shadow
سیاسه‌تی

زیاتر بخوێنەوە

ئاڵا تاڵەبانی بە تویتێک خەمباری خۆی بۆ مەهدی موهەندیس دەردەبڕێت

2021.01.03 - 11:03
App store icon Play store icon Play store icon
ئاڵا تاڵەبانی بە تویتێک خەمباری خۆی بۆ مەهدی موهەندیس دەردەبڕێت

ناس کورد-

ئاڵا تاڵەبانی، ئەندامی پەرلەمانی عێراق لە ساڵیادی کوژرانی ئەبومەهدی موهەندیس، جێگری پێشووی سەرۆکى دەستەى حەشدی شەعبیدا بە تویتێک خەمباری خۆی دەردەبڕێت و دەڵێت، "بە خەندەوە لەناوماندا ژیایت و بە خەندەش بە جێتهێڵاین."

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە  

ئاڵا تاڵەبانی کە هاوکات ئەندامی سەرکردایەتی یەکێتیی نیشتمانیی کوردستانە لە تویتێکیدا کە کە "ناس کورد" بەدواداچوونی بۆ کردووە (3ی کانونی دووەمی 2020) دەڵێت، "مێژوو لەبیری ناکات کە تۆ ئازایانە دژی ڕژێمی دیکتاتۆریی وەستایتەوە و هەروەها سەرۆکایەتی شەڕی ئازادکردنی خاکت کرد لەدەستی ڕێکخراوی تیرۆرستی."

 

دەشڵێت، "بە خەندەوە لەناوماندا ژیایت و بە خەندەشەوە ڕۆشتی."

 

لە کۆتاییدا دەڵێت، "خودا ڕەحمت پێ بکات ئەبومەهدی."

me_ga.php?id=2036

 

ئەمڕۆ یەکشەممە ساڵێک بەسەر کوژرانی قاسم سولەیمانی، فەرماندەی پێشووی فەیلەقی قودسی ئێرانی و ئەبومەهدی موهەندیس، جێگری پێشووی سەرۆکى دەستەى حەشدی شەعبی لە بەغدا تێدەپەڕێت.

 

کەتائیبی حزبوڵای عێراق دەڵێت، "ئەمڕۆ ناچینە سەر باڵیۆزخانەی خراپەکاری (ئەمریکا) لە بەغدا و ئەم حکومەتەش ناڕوخێنین، چونکە هێشتا کات زۆرە."  

 

ئەبوحسێن حەمداوی، ئەمینداری گشتیی کەتائیبی حزبوڵای عێراقی کە گەورەترین میلیشیای عێراقیی نزیک لە ئێرانە لە ڕاگەیەنراوێکدا کە "ناس کورد" بەدواداچوونی بۆ کردووە (3ی کانونی دووەمی 2021) دەڵێت، "ئەمڕۆ بوونمان لێرە لە گۆڕەپانی تەحریر (بەغدا) بەیعەتێکە بە خوا و پێغەمبەرەکەى و ئیمانداران، هەروەها پەیامێکی ڕێگەپێدانە کە بەپەلە بکەن لە تۆڵەکردنەوە، چونکە هێشتا خوێنمان گرانە."  

 

ئەمڕۆ لە سەرانسەری پارێزگاکانی ناوەڕاست و باشوری عێراق، میبیشیا شیعییەکان بەبۆنەى ساڵیادی کوژرانی قاسم سولەیمانی، فەرماندەی پێشووی فەیلەقی قودسی ئێرانی و ئەبومەهدی موهەندیس، جێگری پێشووی سەرۆکى دەستەى حەشدی شەعبی لە بەغدا خۆپیشاندان دەکەن.  

  

ئەبوحسێن حەمداوی دەشڵێت، بەڵام "ئەمڕۆ ناچینە ناو باڵیۆزخانەی خراپەکاری، هەوڵی ڕوخاندنی حکومەتیش نادەین، هێشتا کات زۆرە."