گه‌ڕان

Shadow Shadow
سیاسه‌تی

حزبوڵا ڕاگەیەنراوێکی لەبارەى هەڵکوتانە سەر باڵیۆزخانەی ئەمریکا لە بەغدا بڵاوکردەوە

2021.01.03 - 10:00
App store icon Play store icon Play store icon
حزبوڵا ڕاگەیەنراوێکی لەبارەى هەڵکوتانە سەر باڵیۆزخانەی ئەمریکا لە بەغدا بڵاوکردەوە

ناس کورد-

کەتائیبی حزبوڵای عێراق دەڵێت، "ئەمڕۆ ناچینە سەر باڵیۆزخانەی خراپەکاری (ئەمریکا) لە بەغدا و ئەم حکومەتەش ناڕوخێنین، چونکە هێشتا کات زۆرە."

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

ئەبوحسێن حەمداوی، ئەمینداری گشتیی کەتائیبی حزبوڵای عێراقی کە گەورەترین میلیشیای عێراقیی نزیک لە ئێرانە لە ڕاگەیەنراوێکدا کە "ناس کورد" بەدواداچوونی بۆ کردووە (3ی کانونی دووەمی 2021) دەڵێت، "ئەمڕۆ بوونمان لێرە لە گۆڕەپانی تەحریر (بەغدا) بەیعەتێکە بە خوا و پێغەمبەرەکەى و ئیمانداران، هەروەها پەیامێکی ڕێگەپێدانە کە بەپەلە بکەن لە تۆڵەکردنەوە، چونکە هێشتا خوێنمان گرانە."

 

ئەمڕۆ لە سەرانسەری پارێزگاکانی ناوەڕاست و باشوری عێراق، میبیشیا شیعییەکان بەبۆنەى ساڵیادی کوژرانی قاسم سولەیمانی، فەرماندەی پێشووی فەیلەقی قودسی ئێرانی و ئەبومەهدی موهەندیس، جێگری پێشووی سەرۆکى دەستەى حەشدی شەعبی لە بەغدا خۆپیشاندان دەکەن.

 

ئەبوحسێن حەمداوی دەشڵێت، بەڵام "ئەمڕۆ ناچینە ناو باڵیۆزخانەی خراپەکاری، هەوڵی ڕوخاندنی حکومەتیش نادەین، هێشتا کات زۆرە."

 

دەشڵێت، "چەکەکانمان زۆر بە باشی ڕێکخراوە و ڕێکخستنەکانمان زۆر جوانترە لە سوپا و دەزگای سەربازییەکان، زۆریش شەرعی و ژیرانەیە، پشت بەخوا لە دەستی ئێمەشدا دەمێنێتەوە."

 

ئەمینداری حزبوڵا باسی لەوەشکردووە کە "بەڵێنی خۆمان لەگەڵ سەرکردەکانی سەرکەوتن (سولەیمانی و موهەندیس) دەبەینەسەر و دەبینە هەزاران سولەیمانی و هەزاران موهەندیس."