گه‌ڕان

Shadow Shadow
سیاسه‌تی

نەجمەدین کەریم لەسەر گەندەڵی و سپیکردنەوەى پارە دەستگیرکراوە و پێدەچێت ڕادەستى بەغدا بکرێتەوە

2019.05.22 - 01:12
App store icon Play store icon Play store icon
نەجمەدین کەریم لەسەر گەندەڵی و سپیکردنەوەى پارە دەستگیرکراوە و پێدەچێت ڕادەستى بەغدا بکرێتەوە

کەناڵی ناس کورد لە تێلیگرام جۆین بکە   

ناس کورد- سەرباری ڕەتکردنەوەى دەستگیرکردنی نەجمەدین کەریم لەلایەن نوسینگەى ڕۆژنامەوانییەکەیەوە، بەڵام ناس کورد لە چەند سەرچاوەیەکى باڵای عێراقی و لوبنانییەوە زانیویەتى، نەجمەدین کەریم، پارێزگاری پێشووی کەرکوک بە تۆمەتی گەندەڵی و سیپکردنەوەى پارە لە فڕۆکەخانەى بەیروت دەستگیرکراوە. ئەو سەرچاوانە بە ناس کوردیان ڕاگەیاند، نەجمەدین کەریم لە فڕۆکەخانەى بەیروت لەلایەن پۆلیسی ئینتەرپوڵەوە دەستگیرکراوە لەسەر سکالای حکومەتى عێراقی کە بۆ ساڵی 2018 دەگەڕێتەوە و تایبەتە بە گەندەڵی و سپیکردنەوە و خستنەلای پارە. . ناس کورد زانیویەتى، بەرپرسانى باڵای حکومەتى هەرێم لە پەیوەندیدان لەگەڵ بەرپرسانى عێراق و لوبنان بۆ ئازادکردنی ناوبراو، کەمێک پێش ئێستا مەسعود بارزانی، سەرۆکى پارتی دیموکراتی کوردستان پەیوەندی بە عادل عەبدولمەهدی، سەرۆک وەزیرانى عێراقەوە کردووە تاوەکو میکانیزمێک بدۆزنەوە بۆ ئازادکردنی. هەر بەپێی ئەو سەرچاوانە، بەرپرسانى لوبنان بەرپرسانى بەغدادیان ئاگادارکردووەتەوە کە نەجمەدین کەریم ڕادەستى بەغدا دەکەنەوە بەهەمان شێوەى عەبدولفەلاح سودانی، وەزیری پێشووی بازرگانی عێراق کە هەر لە بەیروت و بەهەمان تۆمەت دەستگیرکرا.   هاوکات عەلی عامری، باڵیۆزی عێراق لە لوبنان بە میدیای فەرمی حکومەتى عێراقی وتووە، بەدواداچوون بۆ بابەتى دەستگیرکردنی پارێزگاری پێشووی کەرکوک دەکەن کە لە فڕۆکەخانەى بەیروت و لەلایەن پۆلیسی ئینتەرپوڵەوە دەستگیرکراوە. . لەلایەکی ترەوە و دوای بڵاوبوونەوەى هەواڵەکە، نوسینگەی ڕۆژنامەوانی نەجمەدین کەریم راگەیەندراوێکى بڵاوکردەوە و تیایدا ئاماژە بەوە دەکات، "جارێکی تر چەند کەناڵێکی ڕاگەیاندن، وەک پیشەی هەمیشەییان و دوور لە پرنسیپ و ئیتیکی کاری ڕۆژنامەوانی، هەواڵێکی چەواشەکارییان بڵاوکردۆتەوە، گوایە بەڕێز دکتۆر نەجمەدین کەریم لە کاتی گەشتکردنی بۆ وڵاتی لوبنان، لە فرۆکەخانەی بەیروت دستگیرکراوە." ڕاشیگەیاند، "لێرەوە بۆ هەموو هاونیشتمانیان لە کوردستان و بە تایبەت شاری کەرکوک ڕادەگەیەنین؛ کە سەرلەبەری ئەو هەواڵە دوورە لە ڕاستیەوە و بەڕێز دکتۆر نەجمەدین کەریم، بۆ کاری ئاسایی و دیبلۆماتی خۆی گەشتی دەرەوەی وڵاتی کردووە و هەفتەی داهاتوو دەگەڕێتەوە کوردستان." . دەشڵێت، "هاوکات بە پێویستی دەزانین ئەوە بخەینەڕوو؛ دروستکردنی ئەم جۆرە هەواڵانە بۆ چەواشەکردن و بەلارێدابردنی هاونیشتمانیانە و هەروەها بۆ دوورخستنەوەی ڕای گشتیە لەو کیشە و گرفتانەی ئەمڕۆ لە پارێزگای کەرکوک هەیە."