گه‌ڕان

Shadow Shadow
سیاسه‌تی

وردەکاری

ڕۆژنامەیەك: پشووەكەی سبەینێی عێراق بەهۆی بارودۆخی ئاسایشەوەیە

2021.01.02 - 16:56
App store icon Play store icon Play store icon
ڕۆژنامەیەك: پشووەكەی سبەینێی عێراق بەهۆی بارودۆخی ئاسایشەوەیە

ناس کورد-

بڕیارە سبەینێ گروپە چەكدارەكانی شوێنكەوتەی ئێران لە ساڵیادی كوژرانی سولەیمانی و ئەبوهەمدیدا مەراسیمێك لە شەقامەكانی بەغدا ساز بكەن و ڕۆژنامەیەكی عەرەبی لە لەندەن ئەمەش بەهۆكار دەزانێت بۆ درێژكردنەوەی پشووی سەری ساڵ لە عێراق تا ڕۆژی دوو شەممە.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

ئەلعەرەبی جەدید لە ڕاپۆرتێكدا ئەمڕۆ (2 كانونی دووەمی 2020) كە "ناس كورد" بەدواداچوونی بۆ كردووە دەڵێت، سبەینێ لە یەكەم ساڵیادی كوژرانی قاسم سولێمانی و ئەبو مەهدی موهەندیسدا، مەترسی هەیە میلیشیا و گروپە چەكدارەكانی هەنگاوی هاوشێوەی هێرشی سەر باڵیۆزخانەی ئەمەریكا دووبارە بكەنەوە، هەر بەم هۆیەشەوە حكومەتی عێراق پشووی درێژكردووەتەوە تا ڕۆژی دووشەممە كە دەكاتە پاش مەراسیمەكە.


ماوەی 10 ڕۆژە هێزە ئەمنییەكانی عێراق لەحاڵەتی ئامادەباشیدان و بەرێژەیەكی بەرچاو لە شەقامەكانی پایتەخت بڵاوەیان كردووە و لە چەند كاتژمێری ڕابردووشدا بڵاوەكردنیان زیاتر كردووە.


بڕیارە سبەینێ گروپە چەكدارەكان بە بەشداری لایەنگرانیان لە پارێزگاكانی تر گردبوونەوە و خۆپیشاندان ئەنجام بدەن و سەرچاوە ئاگادارەكانیش باس لەوە دەكەن، هێزە ئەمنییەكان بەرەنگاربوونەوەیان هەیە بۆ هەر كشانێك بەرەو ناوچەی سەوز.