گه‌ڕان

Shadow Shadow
سیاسه‌تی

ئێران: دەروازەی سنوریی باشماخ چالاکترین خاڵى ترانزێتە لەنێوان ئێران و هەرێمدا

2021.01.02 - 15:50
App store icon Play store icon Play store icon
ئێران: دەروازەی سنوریی باشماخ چالاکترین خاڵى ترانزێتە لەنێوان ئێران و هەرێمدا

ناس کورد- 

بەرپرسێکى باڵاى کاروبارى بازرگانى ئێران ڕایگەیاند، دەروازەی سنوریی باشماخى نێودەوڵەتیى هەرێمى کوردستان چالاکترین خاڵى سنوورییە بۆ ترانزێتى شتومەک و ئاڵوگۆڕ کردنى باهەڵگرەکان لە نێوان ئێران و هەرێمدا.

کەناڵی ناس کورد لە تێلیگرام جۆین بکە   

 

لەلێدوانێکى دا بۆ ئاژانسە فەرمییەکانى ئێران کە "ناس کورد" بەدواداچوونى بۆ کردووە، جەواد هیدایەتى، بەڕێوەبەرى ترانزیت و بارهەڵگرى نێودەوڵەتیى ئێرانى (شەممە 2ى کانوونى دووەمى 2021) ڕایگەیاندووە، قەبارەى دەرچوونى بارهەڵگرە ئێرانییەکان لە دەروازە سنورییەکانەوە لە دوو مانگى ڕابردوودا بەڕێژەى 49 % زیادى کردووە."

 

ئاماژەى بۆ ئەوەشکردووە، لەو ماوەیەدا جموجۆڵى هاتووچۆى باهەڵگرەکان لەڕێگەى خاڵە سنورییەکانەوە گەیشتووەتە 159 هەزار و 996 بارهەڵگر و لەنێو ئەو بارهەڵگرانەدا نزیکەى 37 هەزار بارهەڵگرى شتومەکى هەناردە کراو بووە و 10 هەزار بارهەڵگریشى شتومەک و کەلوپەلى هاوردەکراو بووە.

 

هیدایەتى ئەوەشى ڕوونکردووەتەوە، خاڵى سنوریى "بازرکانى" تورکیا لەلیستى یەکەمدا هاتووە بۆ هاوردە و هەناردەکردن و بەدواى ئەوانیشدا خاڵى سنووریى جەلفاى هاوبەش لەگەڵ ئەرمینیادا هاتووە لەڕووى هاوردەکردن و خاڵى سنوریى ئاستاراش لەگەڵ ئازەربایجاندا بەپلەى سێهەم هاتووە لەڕووى هەناردە کردنەوە.

 

ئەو بەرپرسەى ئێران باسى لەوەشکردووە، خاڵى سنوریى باشماخى هاوبەش لەگەڵ هەرێمى کوردستاندا چالاکترین خاڵ بووە بۆ ترانزێتى شتومەک و بەدواى ئەویشدا خاڵى سنوریى دۆگارۆنى سنوورى ئەفغانستان هاتووە.

 

هیمەتى جەختى لەسەر ئەوەشکردووەتەوە، خاڵە سنورییەکان لەگەڵ عێراق و ئەفغانستاندا لەڕووى ئاڵوگۆڕى بارهەڵگرەکانەوە چالاکترین خاڵى سنوریین لەلایەن ئێرانەوە.