گه‌ڕان

Shadow Shadow
سیاسه‌تی

ترەمپ خۆپیشاندان ڕێکدەخات

دۆناڵد ترەمپ وادەی ئەنجامدانی خۆپیشاندانێکی گەورەی ڕاگەیاند

2021.01.02 - 09:01
App store icon Play store icon Play store icon
دۆناڵد ترەمپ وادەی ئەنجامدانی خۆپیشاندانێکی گەورەی ڕاگەیاند

ناس کورد-

دۆناڵد ترەمپی سەرۆکی ئەمریکا سورە لەسەر ئەوەی کە لە هەڵبژاردنەکانی سەرۆکایەتیی ئەو وڵاتەدا ساختەکاری کراوە و بەوبۆنەیەشەوە ڕایگەیاند، 6ی ئەم مانگە لە پایەتەختی ئەو وڵاتە خۆپێشاندانی گەورە دەکەن.

کەناڵی ناس کورد لە تێلیگرام جۆین بکە   

 

دۆناڵد ترەمپ درەنگانی شەوی شەممە 1ی کانوونی دووەمی 2020، لە تویتێکدا ڕایگەیاند، " کاتژێر 11:00ی پێش نیوەڕۆی رۆژی چوارشەممە 6ی کانوونی دووەمی 2021 لە واشنتن دی سی خۆپیشاندانی گەورە ئەنجامدەدەن."

 

لە کۆتایی تویتەکەیدا ترەمپ نوسیویەتی، "دزییەکان بووەستێنن" ئەوەش بەواتای دزینی دەنگەکانی ترەمپ و کۆمارییەکان لەلایەن جۆ بایدنی کاندیدی دیموکراتەکان.

 

لە هەڵبژاردنی سەرۆکایەتیی ئەمەریکا کە لە 3ی تشرینی یەکەمی ساڵی رابردوو بەڕێوەچوو، جۆ بایدن، کاندیدی دیموکراتەکان و سەرۆکی هەڵبژێردراوی ئێستای ئەمریکا بەسەر دۆناڵد ترەمپ، کاندیدی کۆمارییەکان سەرکەوت.

 

هەر لە دووەم ڕۆژی هەڵبژاردنەکانەوە تاوەکو ئێستا، دۆناڵد ترەمپ پێیوایە کە ساختەکاری لە هەڵبژاردنەکان کراوە و ڕەخنە لە ئەنجامەکان دەگرێت.