گه‌ڕان

Shadow Shadow
سیاسه‌تی

وردەکاریى زیاتر

چی دەربارەی خەسێنراوەكان دەزانیت؟ راپۆرتێك تیشك دەخاتە سەریان

2021.01.01 - 13:26
App store icon Play store icon Play store icon
چی دەربارەی خەسێنراوەكان دەزانیت؟ راپۆرتێك تیشك دەخاتە سەریان

ناس کورد-

راپۆرتێكی بنكۆڵكاری تیشك دەخاتە سەر پێگەی كۆمەڵایەتی و مێژووی توێژی "خەسێنراوەكان" لەبندەستی دەسەڵاتە ئیسلامییەكان و باس لەوە دەكات تا ئەم ساڵانەی دواییش هەندێكیان لە عەرەبستانی سعودیە مابوون.

 

کەناڵی ناس کورد لە تێلیگرام جۆین بکە   

ماڵپەڕی كلتوریی (رصیف 22) لە راپۆرتێكدا كە "ناس كورد" بەدواداچوونی بۆ كردووە (31 كانونی یەكەمی 2020) ئەوە دەخاتەڕوو سەرباری ئەوەی ئیسلام دژی خەساندنی پیاوان و گەنجان وەستاوەتەوە، بەڵام لەسەردەمە ئیسلامییەكاندا سوڵتانەكان ژمارەیەكی زۆر كۆیلەی خەسێنراویان كڕیوە بۆ كۆشكەكانیان و چەند ئەركێكی جۆراوجۆیان پێ سپاردوون هەر لەخزمەتكاریی لەحەرەمسەراكانەوە تا كاری خزمەتكردنی حەرەمە پیرۆزەكانی مەككەو مەدینە و دواتر بە "ئاغاوات" ناسران. بەپێی راپۆرتەكەش هەندێ لەو خەسێنراوانە پاش چوونە تەمەنەوە تا ئەم ساڵانەی دواییە لە سعودیە هەر مابوون.

 

بەپێی راپۆرتەكە پێگەی كۆمەڵایەتی خەسێنراوەكان لەنێوان ژن و پیاودابوون، دەوڵەمەند و دەسەڵاتدار و سوڵتانەكان لەماڵەكانیان رایانگرتوون بۆ ئەوەی تەماح نەكەنە ژن و كەنیزەك و كچەكانیان، خوونەریتی ئەوانیش زیاتر لە ژنانەوە نزیك بووە تا پیاوان، بەڵام نوسەری بەسرەیی (جاحظ) لەسەدەكانی ناوەڕاست باسی لەوەكردووە ئەوانیش ئارەزووی سێكسییان هەبووە، بەڵام هیچ كات مەترسی نەبوون بەهۆی لەكارخستنی هێلكە گونەكانیان یان بڕینی ئەندامی نێرینەیانەوە "مجبوب"، ئەگەر كاری خراپیشیان لەحەرەمسەراكاندا كردبێت لێكەوتەو دەنگوباسی نەبووە.

 

بەپێی سەرچاوە مێژووییەكان سەرچاوەی یەكەمی خەسێنراوەكان كۆمەڵگاكانی رۆمان بووە كە لاوانیان خەساندووە بۆ ئەوەی خۆیان یەكلایی بكەنەوە بۆ پەرستگا یان كڵێساكان و لەسەر ئەمەش رەخنە لە قەشەو كاهینە مەسیحییەكان گیراوە كە ئەم دڵڕەقییە بەكاردەهێنن بەرامبەر گەنجە دیلكراو و بێ كەسوكارەكان.

 

بەپێی راپۆرتەكە خەسێنراوەكان لەهەندێ سەردەمی ئیسلامیدا هێندە پێگەیان پەیداكردووە چوونەتە بازنەی یەكەمی فرمانڕەواكان بەتایبەت لەسەردەمی مەمالیك و عوسمانییەكان بەڵام لەگەڵ رووخانی دەسەڵاتی عوسمانیدا گرنگیدان بەم جۆرە خزمەتكار و خەڵكەو خەساندن بۆ ئەم ئامانجانە ئاوا بووە و كۆتایی پێهاتووە.