گه‌ڕان

Shadow Shadow
سیاسه‌تی

بەڵێنێک لە قائانییەوە تۆڵەکردنەوە لە ناوخۆى ئەمەریکاوە دەبێت’

2021.01.01 - 13:08
App store icon Play store icon Play store icon
بەڵێنێک لە قائانییەوە  تۆڵەکردنەوە لە ناوخۆى ئەمەریکاوە دەبێت’

ناس کورد-

فەرماندەی فەیلەقی قودسی سەر بە سوپای پاسدارانی ئێران هەڕەشەی هێرشکردنە سەر ئەمەریکای کرد لەناو خاکی ئەو وڵاتە، ڕاپۆڕتێکی ئەمەریکیش ئاماژە بەوە دەکات، ناردنی هێزى سەربازیی بۆ کەنداو دەرخستنی هێزە و ئاگادارییەکە بۆ ئێران.

 

کەناڵی ناس کورد لە تێلیگرام جۆین بکە   

ئیسماعیل قائانی، فەرماندەی فەیلەقی قودسی سەر بە سوپای پاسدارانی ئێران لە میانەی وتارێکیدا لەڕێوڕەسمی ساڵڕۆژى کوژرانى قاسم سلێمانی (١ی کانوونی دووەمی ٢٠٢١) کە لەزانکۆی تاران بە ڕێوەچو و "ناس کورد" بەدواداچوونی بۆ کردووە، ڕایگەیاند "سلێمانی لەدوا دیداریدا لەگەڵ خامنەیی سێ مەدالیای ئازایەتی پێ بەخشراوە".

 

وتیشی "کردارە نەگریسەکانی ئەمەریکا ناتوانێت بەر لە توانا و هێزی بەرخودانی قودس بگرێت، ئەگەری هەیە خەڵکانێک لە ناو ماڵەکەی خۆتانە لێتان ڕاستبنەوە و تۆڵەی سلێمانی و تاوانەکانی دیکەتان لێ بکەنەوە".

 

هاوکات بە گوێرەی ڕاپۆرتێکی  تۆڕی هەواڵیی "سی.ئێن.ئێن"ی ئەمەریکی کە پشتی بە زانیارییە هەواڵگرییەکانی ئەمەریکا بەستووە، "ناردنی هێز و دەرخستنی توانای سەربازیی لە لەلایەن ئەمەریکاوە بەمەبەستی ئاگادارکردنەوەی ئێرانە لە ئەنجامدانی هەر کردەیەکی سەربازی  بۆ تۆڵەکردنەوەى کوشتی قاسم سلێمانی".  

 

 ڕاپۆرتەکە، ئاماژەی بەوەشکردووە، ئەگەری هێرشکردنە سەر بەرژەوەندییەکانی ئەمەریکا لە یادی کوشتنی سلێمانی،  بۆچوونەکانی لەناو وەزارەتی بەرگریی ئەمەریکا کردووە بە دوو بەرە، بەتایبەتی لەبارەی ئەو زانیاریانەی کە جەختدەکەنەوە لە هێرشى گروپە چەکدارەکانی نزیک لە ئێران بۆ سەر بەرژەوەندییەکانی ئەمەریکا لە عێراق.