گه‌ڕان

Shadow Shadow
سیاسه‌تی

زانیارى زیاتر

عەمار حەکیم: سەرۆک وەزیران سیمبولى دەوڵەتە ناکرێت سوکایەتى پێبکرێت

2020.12.30 - 15:36
App store icon Play store icon Play store icon
عەمار حەکیم: سەرۆک وەزیران سیمبولى دەوڵەتە ناکرێت سوکایەتى پێبکرێت

ناس کورد-

 

عەمار حەکیم هەر جۆرە سوکایەتى و خیانەت دانە پاڵ سەرۆک وەزیرانى عێراق ڕەتدەکاتەوە، دەشڵێت ئەو پۆستە سیمبولى دەوڵەتە و بەدەر لەڕەخنەگرتن ناکرێت بشکێنرێت.

کەناڵی ناس کورد لە تێلیگرام جۆین بکە   

 

لەوتەیەکیدا کە لەپارێزگاى دیوانیە پێشکەشى کردووە و ناس کورد بینوویەتى، عەمار حەکیم سەرۆکى ڕەوتى حیکمە (30ى کانوونى یەکەمى 2020) ڕایگەیاندووە، "مافى هەموو کەسێکە ڕەخنە لەسەرۆک وەزیران بگرێت و لێپرسینەوەشى لەگەڵدا بکات، بەڵام هیچ کەسێک بۆى نیە هێرش بکاتە سەرى و سوکایەتى پێبکات و خیانەت بداتە پاڵى و لەڕۆڵەکەى لەبەرچاوى ئەوانى تردا کەمبکاتەوە، چونکە پۆستى سەرۆک وەزیران سیمبولى دەوڵەتە و کەسەکان دەڕۆن بەڵام دەوڵەت هەر دەمێنیتەوە".

 

حەکیم ئاماژەى بۆ ئەوەشکردووە، "بەڵێ بۆ ڕەخنەگرتن لەسەرۆک وەزیران و سەرۆک کۆمار و پەرلەمان و وەزیرەکان و پەرلەمانتار و هەموو ئەوانەى کە بەرپرسیارێتیان لەسەر شانە و نەخێر بۆ خیانەت دانە پاڵیان و نەخێر بۆ جینوپێدانیان و شکاندنەوەیان".

 

وتەکانى حەکیم لەکاتێکدایە، لەچەند رۆژى رابردوودا و دواى دەستگیرکردنى کەسێک بە تۆمەتى هێرشە موشەکییەکانى بەغدا کە گرژى و ئاڵۆزى لەنێوان دەوڵەت و چەند گروپێکى چەکداریدا دروستکرد، وتەبێژى کەتائیبى حزبوڵا هەڕەشەى لە مستەفا کازمى سەرۆک وەزیران کرد.