گه‌ڕان

Shadow Shadow
سیاسه‌تی

23 پێکدادان و 50 قوربانى

ئاماری شەڕ و پێکدادانى حزبە کوردییەکان و ئێران لەساڵێکدا

2020.12.29 - 14:08
App store icon Play store icon Play store icon
ئاماری شەڕ و پێکدادانى حزبە کوردییەکان و ئێران لەساڵێکدا

ناس کورد-

لەساڵى ٢٠٢٠ دا لانیکەم ٢٣ شەڕ و پێکدادان لە رۆژهەڵاتى کوردستان لەنێوان حزبە کوردییەکان و سوپاى پاسداران ڕوویداوە و بەهۆیەوە نزیکەی ٥٠ کەس گیانیان لە دەستداوە یان بریندار بوون.

 

کەناڵی ناس کورد لە تێلیگرام جۆین بکە   

بەپێی راپۆرتێکى رێکخراوى هەنگاو کە بایەخ بە بڵاوکردنەوەى هەواڵەکانى رۆژهەڵاتى کوردستان دەدات و "ناس کورد" بەدواداچوونى بۆ کردووە، لەمساڵدا شەڕ و پێکدادان لە رۆژهەڵاتى کوردستان کەمیکردووە بەراورد بە ساڵى ٢٠١٩ و ١٠ حاڵەت کەمتر تۆمارکراوە.

 

ئاماژە بەوەشکراوە، لە ئەنجامی ئەو تێکهەڵچوونانەدا ١٧ ئەندامی سوپای پاسداران، هێزی ئینتزامی و ئەندامی بەسیجی ئێران کوژراون و لە بەرانبەردا ١١ ئەندامی حیزبە کوردستانییەکان و ئەندامێکی ڕێکخستنی ئەو حیزبانە گیانیان لە دەستداوە. هەروەها گەریلایەکی پارتی ژیانی ئازادی کوردستان (پژاک) لەلایەن هێزەکانی ئێرانەوە بە دیل گیراون.

 

زیاترین تێکهەڵچوون لە پارێزگای سنە تۆمار کراوە کە لە کۆی ئەو ٢٣ تێکهەڵچوونە ١٣ حاڵەتی لە پارێزگای سنە ڕووی داوە. لە پارێزگای ئورمیەش ١٠ حاڵەتی تێکهەڵچوون تۆمار کراوە

 

جیاکردنەوەی تێکهەڵچوونەکان

 

بەپێى راپۆرتەکە، لە کۆی ئەو تێکهەڵچوونانە پژاک و پ ک ک  بەرپرسیارێتی ١٠ تێکهەڵچوونیان بە ئەستۆ گرتووە، حیزبی دێموکراتی کوردستانی ئێران (حدکا) و گرووپەکانی نزیک لەو حیزبە (هەڵۆکانی زاگرۆس) ٦ تێکهەڵچوونیان ئەنجام داوە.

 

هیچ حیزب و لایەنێک بەرپرسیارێتی ٧ تێکهەڵچوونی دیکەی لە ئەستۆ نەگرتووە.

 

بە پشتبەستن بە ئامارەکانی هەنگاو، لە ئەنجامی ئەو ٢٣ تێکهەڵچوونەدا ١١ گریلای پژاک و پ ک ک و ئەندامی نهێنی پژاک گیانیان لە دەست داوە.

 

هەروەها لە ساڵی ٢٠٢٠ دا لانیکەم ١٠ گەریلای پژاک لە ناوچە سنوورییەکانی پارێزگای سلێمانی هەرێمی کوردسان بە هۆی بوردمانی فڕۆکەکانی تورکیاوە گیانیان لە دەستداوە.

 

تۆپباران و هێرشی ئاسمانی

 

بەپێی راپۆرتەکە، لە ماوەی ساڵی ٢٠٢٠دا هێزەکانی سوپای پاسداران ١٦ جار بەرزاییەکانی کوردستانیان تۆپباران کرد و دوو جاریش بە فڕۆکەی بێ فڕۆکەوان بنکەکانی حیزبە کوردییەکانیان لە سنورەکانی هەرێمی کوردستان کردووەتە ئامانج.

 

لە ئەنجامی ئەو تۆپبارانانە هاووڵاتییەکی مەدەنی لە دیواندەرە بریندار بووە.