گه‌ڕان

Shadow Shadow
سیاسه‌تی

پلانى نوێ بۆ داهاتوو

وەزیرى پەروەردە باسى ’نەکردنەوەى دەرگاى قوتابخانەکان’ دەکات

2020.12.29 - 11:55
App store icon Play store icon Play store icon
وەزیرى پەروەردە باسى ’نەکردنەوەى دەرگاى قوتابخانەکان’ دەکات

ناس کورد- 

وەزیری پەروەردەی حکومەتی هەریمی کوردستان رایگەیاند، ناکرێت ڕیسک بە ژیانی قوتابیان و مامۆستایانەوە بکەن و دەرگای ناوەندەکانی خوێندن بکەنەوە، بۆ بڕیارى کۆتایش لەو بارەیەوە چاوەڕوانى هەڵسەنگاندنى تەندروستین.

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە  

 

ئالان حەمەسەعید، وەزیری پەروەردەی حکومەتی هەرێمی کوردستان لە لێدوانێکیدا بۆ ڕۆژنامەنووسان کە "ناس کورد" بینیویەتى (29ی کانونی یەکەمی 2020) ڕایگەیاند، "ئەگەر دۆخەکە پێویست بکات بەدڵنیاییەوە بڕیار لەوە دەدرێت قوتابخانەکان نەکرێتەوە لەسەر بنەماى هەڵسەنگاندنی تەندروستی، دواتر لیژنەی باڵای ڕوبەڕوبونەوەی کۆرۆنا بڕیاری لەبارەیەوە دەدات".

 

وتیشى "لەئێستادا خەریکی چاودێریکردنی ئەو کۆرۆنا نوێیەین کە باس دەکرێت، تاوەکو بزانین تا چەند کاریگەی لەسەر قوتابخانەکان هەیە، ناکرێت ئێمە ڕیسک بە ژیانی قوتابیان و مامۆستایانەوە بکەین و دەرگای ناوەندەکانی خوێندن بکەینەوەو حاڵەتی نەخوزاراو ڕوبدات و جارێکى دیکە ناچاربین بە داخستنەوەی دەرگای قوتابخانەکان".

 

ئالان حەمەسەعید جەختی لەوەشکردەوە، چاوەڕوانی هەڵسەنگاندنی دۆخی تەندروستی دەکەن و دواتر لیژنەی باڵای ڕوبەڕوبونەوەی کۆرۆنا بریار دەدات، ئەگەر بڕیاری دەستپێکردنەوەی بەشێک درا ئەوا بەرنامەی خۆیان دەبێت ئەگەریش بەشێوەیەکى جوزئی یان بۆ چەند قۆناغێک یان بەشێوەى تەناوب بکرێتەوە ئەوکات پلانى خۆیان بۆ رزگارکردنى خوێندن دادەنێین.


ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن بۆ گالاکسی - بۆ هواوى