گه‌ڕان

Shadow Shadow
سیاسه‌تی

زانیارى زیاتر

ڕێژەی هەژاری لە عێراق بەرزبووەتەوە

2020.12.28 - 22:28
App store icon Play store icon Play store icon
ڕێژەی هەژاری لە عێراق بەرزبووەتەوە

ناس کورد-

 

 وتەبێژی وەزارەتی پلاندانی عێراق ئاشکرایکرد، لەگەڵ بڵاوبوونەوەی ڤایرۆسی کۆرۆنادا ڕێژەی هەژاری لە عێراق بەرزبووەتەوە بۆ نزیکەی 32%.

کەناڵی ناس کورد لە تێلیگرام جۆین بکە   

 

عەبدولزەهرە هینداوی، وتەبێژی وەزارەتەکە لەلێدوانێکی ڕۆژنامەوانیدا (28ی کانوونی یەکەمی 2020) کە"ناس کورد"بەدواداچوونی بۆ کردووە ڕایگەیاندووە "پێش بڵاوبوونەوەی ڤایرۆسی کۆرۆنا، ڕێژەی هەژاری لە عێراق  نزیکەی 20%دا بوو، بەڵام دوای  جێبەجێکردنی ڕێکارەکانی بەرگرتن لە نەخۆشییەکە، ڕێژەکە بەرزبووەتەوە بۆ نزیکەی لە 32%دا".

 

وتیشى "لە ئێستادا بەشێکی زۆر لە هاووڵاتیانی عێراق داهاتی ڕۆژانەیان کەمبووەتەوە و ڕێژەیەکی زۆریان کە پێشتر لەسەر هێڵی هەژاری بوون لە ئێستادا چونەتە ژێر ئەو هێڵەوە".

 

پێشتر نەتەوە یەکگرتووەکان پێشبینیکردبوو، لەمساڵدا ئاستى هەژارى لەعێراق بۆ 31% بەرزبێتەوە و ژمارەیەکى زۆرى دانیشتووان بکەونە ژێر هێڵى هەژارییەوە.

  

بارا بارا کریگزمان، ڕێکخەرى کاروبارى گەشەپێدان لە نەتەوە یەکگرتووەکان (هەینی 9ی تشرینی یەکەمی 2020) بە ڕادیۆ سەواى ڕایگەیاندووە، بەپێى توێژینەوەیەکى نوێ کە لەگەڵ ڕێکخراوى یۆنسێف و بانکى نێودەوڵەتیدا ئەنجامیانداوە دەرکەوتووە، ئاستى هەژارى لەساڵەکانى 2017 بۆ 2018 کەمتر بووە لەڕیژەى 20%، بەڵام پێشبینى ئەوە دەکرێت بۆ ساڵى 2020 ڕێژەکە بەرزبێتەوە بۆ 31% و ئەوەش کاریگەرى گەورەى دەبێت بۆ سەر دانیشتوان.  

  

ئەو بەرپرسەى نەتەوە یەکگرتووەکان ئاماژە بۆ ئەوەش دەکات، گەورەترین کاریگەرى ئابوورى کە دووچاری عێراق بووە، قەیرانى دابەزینى نرخى نەوتە کە بەهۆى پەتاى کۆرۆناوە ڕوویداوە و ئەوەش واى لێکردووە لەگەشەپێدانى ئابوورى ڕایبگرێت.  

  

بارا بارا دەشڵێت، حکومەت پارەى پێویستى لەبەردەستتدا نیە خەرجى بکات بۆ پێداویستییە سەرەکیەکان و گەشەى دانیشتوانیش بەشێوەیەکى گشتى زیاد دەکات، ئەوەش وا دەکات پێشبینەکان ئاماژە بۆ ئەوە بکەن ژمارەیەکى زۆر لەخەڵکى بکەونە ژێر هێڵى هەژارییەوە.  

  

بەرپرسەکەى نەتەوە یەکگرتووەکان ئەوەشى ڕونکردووەتەوە، ڕاپۆرتەکە دوو ڕاسپاردەى سەرەکیشى ئاڕاستەى حکومەتى عێراق کردووە بۆ چارەسەرى دۆخەکە، کە ئەمانەن:   

  

یەکەم: دەبێت حکومەت بەسیاسەت و دامەزراوەکانیدا بچێتەوە، بۆ ئەوەى بتوانێت پلانێک بۆ کورتهێنانى ئابوورییەکەى دابنێت.  

  

دووەم: حکومەت هەستێت بەجێبەجێکردنى چەند بڕیارێک کە یارمەتى چینە لاوازەکانى وڵات دەدات.