گه‌ڕان

Shadow Shadow
سیاسه‌تی

زانیاری زیاتر

ئێران وەڵامی موقتەدا سەدری دایەوە: قسەکانت گوماناوییە

2020.12.28 - 17:22
App store icon Play store icon Play store icon
ئێران وەڵامی موقتەدا سەدری دایەوە: قسەکانت گوماناوییە

ناس کورد-

ئێران لەسەر تویتەکەى موقتەدا سەدر هاتە دەنگ و ڕایدەگەیەنێت، ناوەڕۆکى ئەو جۆرە تویت و لێدوانانە گوماناوی و زیانمەندن و ئێران هێرشى سەر دیپلۆماتکارانیش ڕەت دەکاتەوە و خۆیشى دووچارى ئەو جۆرە هێرشکردنە بووەتەوە.

کەناڵی ناس کورد لە تێلیگرام جۆین بکە   

 

سەعید خەتیب زادە، وتەبێژى وەزارەتى دەرەوەى ئێران (28ى کانونى یەکەمى 2020)  ڕاگەیاندووە، "هێرشکردنەسەر شاندە دیبلۆماتیەکان لە عێراق کارێکە ئیدانە و ڕەتی دەکەنەوە."

کەناڵی ناس کورد لە تێلیگرام جۆین بکە

ئەو بەرپرسە باڵاى لە لێدوانەکەیدا کە "ناس کورد" بەدواداچوونى بۆ کردووە ئاماژە بۆ ئەوەش کراوە، ساڵى ڕابردووش کاروانێکى دیبلۆماتى ئێرانى لە عێراق ڕوبەڕووى هێرشکردن بووەتەوە.

 

سەعید زادە باسى لەوەش کردووە، کات و ناوەڕۆکى ئەو لێدوان و توێتانە گوماناوی و زیانمەندن و تارانیش نایەوێت هیچ جۆرە بارگرژیەک لە ناوچەکەدا ڕووبدات تەنها بەرگرى لە ئاسایشى نەتەوەى خۆى دەکات.

 

وتەبێژى وەزارەتى دەرەوەى ئێران ئەوەشى خستووەتەڕوو، ئەوەشیان بە ئەمەریکیەکان گەیاندووە گرژکردنى هەر جۆرە بارودۆخێک لەعێراقدا ئەستۆکەى دەکەوێتە سەر ئەوان و لەگەڵ عێراقیشدا پەیوەندیەکانیان پتەوە.

 

زیاتر بخوێنەوە: سەدر داوایەکی بەپەلە لە ئەمریکا و ئێران دەکات

 

کاردانەوەکەى وەزارەتى دەرەوەى عێراق دواى ئەوە دێت، چەند ڕۆژێک پێش ئێستا موقتەدا سەدر لەتویتێکیدا پەیامێکى ئاڕاستەى ئێران و ئەمەریکا کرد و داواشى لەو دوو وڵاتە کرد عێراق لە ململانێیکان بەدووربگرن.

 

لێدوانەکەى ڕابەرى ڕەوتى سەدرییەکانیش دواى زنجیرەیەک لەکاردانەوەى دژى هێرشکردنە سەر ناوچەى سەوزى بەغدا هات کە لەچەند ڕۆژى ڕابردوو گروپە چەکدارەکانى سەر بەئێران هێرشەکانیان بۆ سەر ئەو ناوچەیە و باڵیۆزخانەى ئەمەریکا لەبەغدا دەستپێکردەوە.

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن - بۆ گالاکسی - بۆ هواوى